منتديات All-UP

منتديات All-UP

الكل الى الاعلى , افلام , برامج , العاب , مسلسلات , اغانى , مهرجانات , سوفت وير موبايل , سوفت وير كمبيوتر
 
الأحداثالأحداث  المنشوراتالمنشورات  الرئيسيةالرئيسية  البوابةالبوابة  س .و .جس .و .ج  بحـثبحـث  التسجيلالتسجيل  دخولدخول  

شاطر | 
 

 خانني وذليته :: للكاتبه السغوديه مشاعل الراشد

اذهب الى الأسفل 
كاتب الموضوعرسالة
محمد منسى
المدير العام™
المدير العام™
avatar


مُساهمةموضوع: خانني وذليته :: للكاتبه السغوديه مشاعل الراشد   الأربعاء 21 نوفمبر 2018 - 11:58

البارتي الاول :::
الجزء الاول
******************************
خانني وذليته :: للكاتبه السغوديه مشاعل الراشد
**********************************


6:30 ص/
في الريـــاض //


عائلة ابو رائد ...
في طاوله الطعام المطله عــ الصاله ...
ابو رائد :صباح الخير(ابو رائد شخصيه حكيمه متزنه يشتغل مستشار قانوني في شركة عقاريه كبرى في الرياض )
ام رائد:صباح النور (زوجة ابو رائد من جماعته طيبه تحب زوجها وعيالها لكنها شوي شديده ع عيالها من ناحية التعليم لانها موجه فا طبيعي تخاف ع عيالها وتبيلهم المستقبل الباهر )
ام رائد: حياك تعال افطر .
ابو رائد وهو يجلس وياخذ الجريده من ع الطاوله : ماقامو العيال
ام رائد : الحين يصحون .))ع آخر كلمه شافت رائد ينزل وماسك السماعه في اذنه ويكلم
رائد :: اوكيه يله باي (رائد عمره 26 وسيم يدرس ماجستير اخر سنه جسمه رياضي اسمراني عيونه كبيره وناعسه لها سحرها شعره ناعم واسود لحد اذنه
يحب الستايل والتغيير مشكلته انه كتوم وغامض مايعرف له الا صديق عمره جاسر )
رائد:: صباح الخير .
ام رائد : صباح النور
ابو رائد وهو يشيل الجريده :صباح النور
رائد : انا طالع
ام رائد: اصبر كلك شي
رائد : لا الحين الرياض زحمه ع مااصل الجامعه الا الساعه 8 وانا صاحي متاخر كله بسبت بنتك الهبلا
البندري من وراهـ:: والله ما الاهبل الا انت اذا كنت مو قد السهر ليه سهرت ؟ ولا بس لعانه ترمي بلاويك علي
//كانو سهرانين امس ع فلم رعب ماخلص الا الساعه ثلاث الفجر //
(البندري عمرها 23 اخر سنه لها في الجامعه قسم انجليزي ملامحها حاده <<خشمها دقيق ومرتب مناسب مع وجهها وفمها صغير والمليان في نفس الوقت ( شفايف توت) وبنفس الوقت جذااابه بشترها برونزي وصابغه شعرها بني طالع شكلها مع الصبغه جنان شعرها لحد ظهرها وعيونها وعيونها مو كبار ولا صغار رموشها كثيفه طبعا مو طويله مره يعني 165 ونحيفه )
رائد التفت بسرعه عليها : بسم الله
البندري بمسخره : ياقلبو خوفتك
رائد مارد عليها وطلع : ....
البندري ناظره الساعه وتوسعت عيونها يووه تأخرت :باي
ثامر( وهو نازل من الدرج ع اقصى سرعه لان مايحب يتأخر ع المدرسه الاخ دافور في المتوسط سنه ثالث يحب القنص والبر وعلوم الرجاجيل بشكل جنوني اكثر من رائد يحب يطعس <<لدرجه يعيرونه يا الطعس )
بصراخ ويركض ماسك شماعه بيد واليد الثانيه ماسكه بثوبه ::: تأأأأأأأأأأأأأأأأأأأأأأأأأأخرت
ابورئد: وجع اذني اذلف احد ماسكك
ام رائد :حمدالله والشكر حتى صباح االخير مافيه
ثامر مارد عليهم وطلع بسرعه ::.......
ريوف(عمرها 19 اخر سنه ثانوي نعووومه وهاادئه ملامحها بيبي قصه شعرها فكتوريا معطيها انوثه وبرائه لون شعرها اسود مو طويله 150 وكل شي فيها صغير انفها عيونها )
حطت ايدينها في اذنها
:: أي أي اذوووني خير وش ذا الصراخ من الصبح
(نازله ولابسه المريول الموف لانها اهليه وحاطه قلوس وبلشر وماسكرا )
ابورائد:صباح الخير
ريوف جت وحبت راس ابوها : صباح النور
وباست امها : صباح الخير ..
ام رائد :صباح النور تعالي افطري سويتلك توست مع جبن شرائح
ريوف جلست بهدوئها الي يعجب ابوها :وبدات تاكل : ثانكس
ابورائد :ماوصل باصك
ريوف : لا انا اخر وحده يمرني
هذي عائله ابو رائد عايشين في بيت مو قصر لكنه انيق وتنسيق راقي من اثاث وديكور مو كبير مره ع عدد افراده طبعا في الحديقه في خيمه مسويها ثامر لربعه
***********************************
في مكان ثاني في الشرقيه في احد ارقى الاحياء هناك
ابو عبد العزيز ماشي بشموخ وهيبه :صباح الخير
جلس ع الطاوله وساميه تصب له القهوه التركيه لانه تعود عليها منها او حبها لانه تحب ساميه تشربها حبها منها ...
( ابو عبد العزيز حازم يحب النظام يعني كل شي يمشي ع الساعه وهذا احد اسباب نجاحه ::: فيه سر بحياته ومخبيه عن الكل )
ام عبدالعزيز:: ساميه:: اهلين ابن عمي صباحك عسل تأبشني (سوريه ماخذه ابو عبدالعزيز عن حب )
ابو عبدالعزيز : يله انا ماشي عندي اجتماع في الشركه
ام عبدالعزيز : ايه بحفظ الله انتبه ع حالك اييه
ابو عبد العزيز ناظرها كانت لبسه بنطلون اسكيني مع بلوزه طويله بدون اكمام:ماشاءالله شنو ذا الحلاوه ع الصبح
ساميه :شوو عجبك اللبس (طبعا محافظه ع جسمها )
ابو عبدالعزيز :عجبني لانك انتي الي محليته
ساميه حمرت اخدودها : .....تسلملي
ابو عبدالعزيز يبتسم : انا اقول اروح الحين احسن
ساميه :ههههه يله باي
(((((((((((((((((((((((((((((((((
نزل عبد العزيز :صباح الخيرات (عمره 28 سنه مغرور وغامض ومع كيذا الا انه طيب ويحب الفله والجمعات بس مايلاقي وقت بسبب شغله مع ابوه وسيم ملامحه تشبه سلمان حميد نفس سماره بس يختلف ان عيونه لونها رصاصي جاي ع سماوي <<من امه .يكره جنس حواء لانه تعقد حب وخانته حبيبته وهذي السالفه صار لها اربع سنوات .. وبعدها ماصار يفكر غير با الشغل )
ساميه : اهلين ابني صباحو بدك اهوه ولا عصير )قهوه
عبد العزيز : لا تسلمين بس انتي عارفه اني ماافطر بدري ..
ساميه : ايه صح
عبدالعزيز : ابوي راح ؟
ساميه : ايه تأبرني هلأ طلع)قبل شوي طلع
عبد العزيز باس امه : يله يا الغالي هانا طالع تبين شي
ساميه :لا سلامتك حبيبي...الله معك
في نفس القصر لكن في مكان ثاني في جناح اجوان
مانامت طوال اللليل ومقهوره (22 سنه ثالث جامعه جذاابه بشكل رشيقه القامه وبيضى وشعرها ناعم بني فاتح طويل خشمها سلت سيف. متمرده في تصرفاتها تحب الجمعات فيها خصلة اخوها الغرورطبعا يحقلها كل شي متوفر لها )
شافت الساعه لقتها 8:15 :امممم خليني اروح اخذلي شور وادق عليه ...
دخلت الحمام واخذ تشور ع شان تصحصح ولبست بنطلون جينز وتي شيرت اسود وفيه رسمه با الوسط فوشي ونشفت شعرها وخلته مفرود ولبست طوق فوشي
وحطت مسكرا وقلوس زهري ع شفايفها التوت لبست باليه فوشي اخذت العبايه الي اشك انها عبايه وطلعت :
:::: هاااي ماما صباااحو
ساميه : اهلين حبيبتي شوو متأخره اليوم مو ع العاده
::: لا بس المحاظره ماتبداء الا 9:30
:: اهااا تعي افطري معي
::لا مو مشتهيه يله بروح الحين باااي
::: باي


طلعت ركبت مع السايق حقها في السياره بنو راما من البيت مستعجله ودقت ع فيصل
اجوان : الوو
فيصل : صباح الخير
اجوان : وينك
فيصل : الناس اول تصبح وانتي من الصبح تنافخين
اجوان : يوووه ترا ماني رايقه لحكيك الباصق بسرعه
وينك ..
فيصل : اوك انا في الطريق
اجوان: اوكيه
وسكرت من دون ماتسمع رده وقفت سيارتها في
مكان الي اتفقو عليه من البارح : الوو وينك
فيصل ينزل من السياره ويتوجه لها
فيصل وش ذا السياره ايه يحقلك يا بنت ابو عبد العزيز : جنبك ياقمر ,,افتحي الدريشه


نهــايه الجزء الاول


******************************
خاني وذليته :: للكاتبه عيونك دنيتي ...
**********************************
البارتي الاول الجزء الثاني .....
المعلمه :ريوف قومي حلي المسأله الي ع الصبوره <مقومتها لأنها تسولف
ريوف : طيب( قامت ومسكت القلم وبدت تحل
المعلمه :ممتازه يله ارجعي صبا قومي كملي
ريوف : واهي تجلس ههههههه جاك الموت يا تارك الصلاة
صبا:وجع اسكتي مالت عليك عارفه مو مركزه مثلك يا دفره تسولفي فوق راسي
المعلمه بصوت عالي : صبـــا
صبا : جيت وطبعا ماعرفت تحل المسأله
المعلمه : خلي السوالف تنفعك
&&&&




صفرت وبدت الفسحه .....
صبا : ياربي اااااووف
ريوف واهي تشتري:وش فيك
صبا : مادق علي فوفو
ريوف بتفكير : من فوفو ؟؟!!
صبا :يوووه يااريوف وش فيك صايره تنسن واجد مين يعني ماغيره
ريوف واهي تتذكر : اهااا فيصل
صبا تحط يدها في فمها لان فيه بنات قريبات منهم بصوت هامس: اااووش فضحتينا
ريوف تبعدها : يووه خلاص وش فيك
صبا بنفاذ صبر : اقول اخلصي اشتري وانا بروح اجلس في مكانا لحد ماتجين
ريوف : اوكيه
*********************************


في الجامعـــه
رائد جلس ع الكرسي:اوووووووووهـ تعبت مابغى يخلص هذرته
جاسر يشرب عصير : يابن الحلال هانت مابقى الا سنه ونخلص
رائد:وانت من متى في الكفتريا ؟
جاسر :لي ربع ساعه
رائد:روح اطلبلي عصير فرش مالي خلق اقوم
جاسر :قل قـ بس(يعني قل قسم با مختصرها)... سلامات يابوو
رائد :خير وش كلنا كفرنا وحنا ماندري
جاسر : اقول بس قوم اخدم نفسك ..
رائد : مالت عليك خويي ع شنو
جاسر وهو يرفع حاجب: لك الشرف ..اكون خويك
رائد يبتسم ع الغرور الي في جاسر : هههههههه والله انك مكبر نفسك بزياده
جاسر : Stand up just stand up= قم بس قم
رائد وهو يشوف حمدان يقرب من عندهم ومعه كاسين عصير : منت الله ولا منتك
جاسر : هلا والله بحمتوو وش الاخبار
حمدان يفصخ النظارات الشمسيه ويعطي العصير لرائد ويحط الكتب ع الطاوله (حمدان صديق جاسر ورائد ,,,,,امه سعوديه وابوه اماراتي جاء يكمل الماجستير في السعوديه لانه اشتاق لامه طبعا ابوه وامه منفصلين ): والله كل شي ماشي عادي
جاسر : افاا وش ذا الاحباط
رائد : وش فيك
حمدان يناظر فيهم : ههههه وش ذا الحنيه ترا مافيه شي بس طفشان شوي
رائد : اهاا اشواا تعال اليوم عندي
جاسر : انا بمرك
حمدان يبي يقهر رائد: وش بنسوي عند ك يا حظي من طفش لاطفش
رائد عارف انه يمزح: مالت ع الي يعزمك
حمدان يوجه كلامه لجاسر : متى بتمرني
رائد : ومن قال انه بيمرك
جاسر يأشر لحمدان با يده بمعني هات اذنك :تعال حمود برمسك
حمدان :هههههه تكفى لا تتكلم اماراتي خلي اللهجه لاهليها
جاسر: شوف حبيبي انا كل اللهجات ماتحلا الا ع لساني
حمدان :: احلا شنو عندك رافع العيار حبتين <قصده الغرور
رائد :هههههه مدري عنه اليوم انا مدري مين الغبيه الي مادحته اليوم ونافخ ريشه علينا
جاسر: مو شغلك انتي وياه الهوو في انفسكم
حمدان : اكشخ بعد صار عندنا اسرار
رائد يحط ايده تحت دقنه : لالا تطورات بس وين بتروح مني اليوم بنشبلك لين تقول
جاسر وهو يقول :اقول بروح الحين محاظره بدت
******************************


البندري :عبور
عبير:ماسكه الجوال وتكلم بمياعه :لحظه شوي <<للمتصل
::نعم
البندري متعوده ع جرائة البنت هذي : بدت المحاظره مارح تدخلي
عبير : ع بالي عندك سالفه ..
البندري بلا مبالاه : براحتك باي
عبير تناديها : تعـالي
البندري : هاا وش تبين
عبيره تمد لها الجوال : اعجه صوتك تبين تكلمينه ؟
البندري : في احلامه
يله تشاو
عبير : كيفك ... ايوه وين كنا
المتصل : من هذي المغروره
عبير: لا مو مغروره بس اهي ماتحب تكلم
المتصل : اهاا تعرفين تدافعين بعد
عبير: افا عليك وفيه للصداقات
المتصل : طيب وللحبايب
عبير : هههههه وللحبايب ولا تزعل
(هذي عبير حياتها ماخذتها با الطول والعرض ماعليها من احد الي في راسها تسويه كل شي عندها يزي ... ماتنلام من الدلال الي هي فيه وغير كيذا محد حولها )


*********************************
انفتح شباك السياره وتفوح منها ريحه العطر الي جذبته حيل ويشوفها متلثمه وحاطه النظارات الشمسيه ع عيونها.. فيصل سرح لبعيد : .........
اجوان تناظر من فوق لتحت وكانها موعاجبها : ياهووو وين رحت لي ساعه اتكلم
فيصل يرجع لارض الواقع : هاا وش قلتي
اجوان تلتفت يمين ويسار خايفه احد يشوفها واهي وافقه معه في نص الطريق : اقولك شي
فيصل : هلا
اجوان :ارجع اركب سيارتك خلينا نروح كوفي احسن
فيصل : انا اعرف كوفي قريب من هينا
اجوان : اوكه انت روح سيارتك وانا الحقك
فيصل : طيب
*****************
ريوف وهي تجلس :ها وش فيك .
صبا تاخذ منها العصير والكرسون :..اسمعي البارح مادق علي فيصل وانا بصراحه خايفه يكون صار له شي .....
ريوف واهي تشرب العصير : ع بالي عندك سالفه ..........
صبا :يووه يا الغبيه اقولك مو بعادته .. با العاده اربع وعشرين ساعه يدق واذا رديت مايقفل ع سيره
ريوف : امم يمكن مشغول!!
صبا : تستهبلين واذا مشغول عادي يدق واهو في مكتبه يشتغل مو هذا الي كل يوم يسويه مو جديده عليه
ريوف بتفكير : يمكن تعبان
صبا خافت : لا الله لا يقوله لا تخوفيني
ريوف : انا اقول يمكن وش فيك
صبا : الله يستر
ريوف تفكر واهي حاطه اصبعها بيدها : اممممم
وقالت بخبث : يمكن لقى وحده احسن منك وتعطيه الي يبيه بسرعه
صبا عصبت : ع تراااب احسن اصلا من وين يلاقي احسن مني
ريوف تبتسم : تيب شوي شوي ليه كل هذي العصبيه ولا حنينا
صبا : اقول قومي بس ندخل الفصل نسيتي اليوم من عندنا شكيره >> مسمين المعلمه لانها مأخرتها شوي كبيره .. مشيتها كأنها ترقص
ريوف : ايه صح عاد وش يفكننا منها ام لسانين
***********************************


((  إن لم يكن شعري كعهدي به


فحسنك الشعر الذي أهوي   ))


م . منسي
الرجوع الى أعلى الصفحة اذهب الى الأسفل
محمد منسى
المدير العام™
المدير العام™
avatar


مُساهمةموضوع: رد: خانني وذليته :: للكاتبه السغوديه مشاعل الراشد   الأربعاء 21 نوفمبر 2018 - 12:00

في احدى شركات الشرقيه , الكبرى ,,
عبدالعزيز : سلطان ماتبي تفطر الحين وقت البريك
سلطان جالس في مكتبه وغرقان في الحسابات يرفع راسه ع صوت عبدالعزيز : غريبه مو با العاده تجي با العاده انا الي كل شوي ناط عليك
عبدالعزيز : تغيير ...
سلطان :وين نفطر فيه ؟
عبدالعزيز يفكر: اممم
سلطان : انا اقول ناخذ الفطور ونروح للبحر نفطر هناك ؟ وش رايك
عبدالعزيز : والله كنت بقولها
سلطان : زين يله مشينا
(سلطان صديق عبد العزيز من ايام الدراسه تخرجو مع بعض وبعدين تعين عندهم في شركه ,, اسمر وشعره عادي قاصه تواليت عيونه ناعسه وله غمازه من اليسار تقدرون تقولون مملوح //عايش حياته ببساطه )
في السياره طلبو الفطور وع طول راحو البحر :
عبدالعزيز يستنشق النسيم نسيم البحر : اااهـ مدري احس اني فااضي من جواا وطفشان
سلطان يمد العصير لعبدالعزيز : قلتلك تزوج وانت رافض الفكره
عبدالعزيز :من جاب سيره العرس الحين
سلطان : مو تو تقول احس اني فاضي
عبدالعزيز : واذا ..!!
سلطان : هذا علاجك \
عبدالعزيز : يا شيخ روقنا
سلطان : كيفك .. طيب شوف الاسبوع الجاي بروح الرياض بجلس الاربعاء وخميس وجمعه با الليل بجي .. مو تقول ماقلتلي ..
عبدالعزيز : مع مين رايح
سلطان : مع الاهل بيرحون يزورون القريب وش رايك تجيب اهلك معك وناخذ لنا شاليه ومنها يتعرفون ع بعض
عبد العزيز : الفكره مهوب شينه
سلطان : زين اجل شاورهم وبلغني
عبدالعزيز : يصير خير


*********************************


((  إن لم يكن شعري كعهدي به


فحسنك الشعر الذي أهوي   ))


م . منسي
الرجوع الى أعلى الصفحة اذهب الى الأسفل
محمد منسى
المدير العام™
المدير العام™
avatar


مُساهمةموضوع: رد: خانني وذليته :: للكاتبه السغوديه مشاعل الراشد   الأربعاء 21 نوفمبر 2018 - 12:02

فيصل وقف عند الكوفي نزل ودخل الكوفي ..
اجوان نزلت بشموخ ومشت بخطوات واثقه تخفي جواتها خوف من المجهول تناظر حولها الكوفي مو مليان فيه بس مو كثر دقت ع فيصل : .. وينك
فيصل فتح الستاره قبل مايرد عليها واشر لها : تعالي هينا ..
اجوان مشت وجلست قباله : هآ شنو قول ؟؟!!
فيصل يفصخ نظارته ببتسامه : العسل شنو تبي اطلبلها
اجوان تهز رجلها بنفاذ صبر. بصوت حااد : فـــصل ..
فيصل :: عيووونه
اجوان : يوووهـ
فيصل : خلاص هدي ترا نبيك احنا شوي شوي ع نفسك ....
اجوان مافهمت قصده :هآآه شنو قلت
فيصل ابتسم بخبث قام من مكانه وجلس با الكرسي الي جنبها وقرب منها :عادي ترا انا ماوراي شي افمهك وحده وحده ..
اجوان دفته ابعدت عنه بسرعه واشره بيدها : هيييه اصحى يا بابا انت تعرف انا مين... شنو الي تسويه معي
فيصل رفع حاجب :شوي .. شوي علينا يا بنت الاصول (بصوت ساخر)
اجوان : غصب عنك فاهم (واهي تأشر با السبابه ).. >> بعد الكلمه هذي طاحت اللثمه منها ...
فيصل وهو مبلم يناظرها قال من غير شعور:يالبيه ماتوقعتك لهدرجــه
اجوان واهي مقضبه حواجبها مو مستوعبه الي يقوله : وبعدين بتقول ولا اروح .. لا تحسبني فاضيه لك
فيصل يتنحنح : احم
اجوان :يحوول شنو بتقول ولا لا
فيصل :مافي شي اقوله لك
اجوان : نعم نعم.. كيف يعني
فيصل وهو يحط رجل ع رجل : زي ماسمعتي
بس كيذا حبيت اطلع معك وابي أي شي علشان انه فيه اشوفك
اجوان : تــافه اجل ليش تقول فيه احد ناشر عني في البلوتوث وماينفع الحكي ع التلفون ومدري كيف
فيصل : عادي كانت حجه علشان تجين وانتي صدقتي علطول..
اجوان واهي تأخذ شنطتها :اهم ماعلى البنت سمعتها كيف اذا كانت من عائله معروفه زيي
فيصل : واهي تسويه الحين شنو ..


اجوان تبي تقهره :ابد حبيتا غير جو معك مع انك مو كفوو بس يله تعبر<< قالت كلمتها وطلعت
(فيصل يعرف اجوان من وحده من صديقاتها كان له علاقه معها وكانت تتكلم عنها ويوم عرف انها من عائله غنيه .. بداء يجمع معلومات عنها علشان يتقرب منها ...لحد البارح يوم يدق عليها وبدا يخوفها كل هذا حب استطلاع ...فيصـل //شخصه ع قولة السعوديين داااجه لبعد حد انسان يحب السهر والبنات و المزاج وحيد امه وابوه يمكن من كثر ماهو مدلعينه ومايحبون يزعلونه صار كيذا مايتحمل المسؤوليه ..//الي يساعده على انجذاب البنات له اهو شكله وسيــم حنطي وسكسوكه مسح وعيونه غزليه ..شعره كثيف ..جسمه حلو والي محليه زياده غمازاته ..مايحب الرسميات يعني اكثر لبسه بدل وسبور)
^^^^^^^^^^^^^^^^^^^^^^^^^
نــهــــــــــــــااااية البــــارتي الاول ...


((  إن لم يكن شعري كعهدي به


فحسنك الشعر الذي أهوي   ))


م . منسي
الرجوع الى أعلى الصفحة اذهب الى الأسفل
 
خانني وذليته :: للكاتبه السغوديه مشاعل الراشد
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات All-UP ::  القسم العام :: منتدى الروايات-
انتقل الى: