فاكره جمال الشجر
ياما كنا بنسهر نوصف حسنه
ليالى طويله
وفاكره نور القمر
ياما كنا بنجرى ونهرب منه
فى ظل خميله
وفاكره قعدتنا سوا
فى سكون الليل
نشكى الغرام والهوى
للموج فى النيل
ردى عليّا ياللى جافيتي
فاكره دا كله وألا نسيتى
**************
فاكره الشجره اللى اخترناها
نسهر دايما تحت غصونها
اسمى واسمك لسه عليها
ذكرى وحالفه ضرورى تصونها
لما شافتنى بأزورها لوحدى
سألتنى عليكى
قمت بكيت من شوقى ووجدى
وحنيني اليكى
بصيت لإسمـــــــك وافتكرتك لما كنتى بتكتبيه
لما كنتى واقفه جنبي تضحكى لى وتحــــــفريه
ردى عليّا ياللى جـــافيتي
فاكره دا كله وألا نسيتي
**************
وفاكره يوم لما قابلتك
أيام ما كنتى مخاصمانى
وجيت أقابلك وأعاتبك
لقيت معاكى حبيب تانى
فضلت أكدّب فى عينيّا
وأقول لروحى مش هىّ
ما كنتش أتصور قلبك
رح ييجي يوم يغدر بيّا
وأنا اللى كنت بأقول إنك
أخلص حبيبه فى الدنيا
ومشيتى وسبتينى
على نارى وحنيني
وسبتى روحى متشوقه
تبكى أملها اللى ضـــاع
واللى افتكرته كان لقـــــا
شفته بعينيّـــــــــــا وداع
ردى عليّا ياللى جفيتي
فاكره دا كله وألا نسيتي
**************
********
أحدث الصور 
بحـث 
التسجيل 
نشاط العضو
موضوع: فاكره جمال الشجر 
