30 سنـــــــــــــــــه ظلام

**المدير العام™** نشاط العضو : 5914

دعوه لثورة غضب
*********************
سبحانه ربى هو العاطى
بيقولو حكم ديموقراطـى
دى عصابه والله بتحكمنا
همّا بيعلو واحنا نطاطــى
****
محسومه الجوله ومحسوبه
دى حكايــه معاده ومكتوبه
وحياة ميت غمر وأجوارها
مكشوفه الحركـــه وملعوبه
**
يا مجلس الشعــب يا مسكين
نفس الحكايه بقالنــــــا سنين
الانتخـــــــــــاب مـش حريه
الإنتخـــاب بقــــــى بالتعيين
**
أصوات وهمـــــــيه ح تتقيّد
والحزب الوطـــنى هو السيّد
والكرسي المنحـوس محجوز
وافرح بقي واتهـــــنى وعيّد
**
ماعرفش ليه نبــــذل مجهود
قضـــاء وشرطه وصف جنود
ونروح نعطـّـل خلــــــــق الله
والغــش والتزوير موجــــــود
**
ناهبين فلوسنا وكل القـــــوت
وبالحديد ويّـــــا الجبـــــــروت
دايسيـن على رقاب المخاليــــق
تعذيب وجلد يا إمــــا المـــــوت
**
مبروك عليـــك الكرسي يا واد
دانت وهــــــــــو ما بينكو معاد
لو كان حقيقتـــــــــــــــك تتفسر
تنساب عشـــــــــــانك والله بلاد
**
فضّـوها سيره مــــــانيش غاوى
اكـــــون طبيب وألا مــــــداوى
فيه بس عندى ســــــؤال حيران
ليه كل صــــندوق بيواوى ؟؟؟؟
**
30 سنه عشنا العســــــــــــــره
ومنين ح نلقي بقي اليســــــــــره
وفلــــوسنــــا نهبوها الحـــــــكـّام
موجوده لكن فى سويســـــــــــرا
**
ولاد مبـــــــارك نهـــبـــــــــونـا
ملعـــون أبوهــــــم لأبـــــــــونـا
واكلينهــــــا والعه وموت يا ضمير
والشعب مش لاقي صـــــــــابونه
**
عايزينهــــا ثوره على الحـكـّـــــــــام
تكـون بفـعــــــــل و مــــــــش بكلام
يا شعب ثور واغضــــــب لك يوم
30 سنـــــــــــــــــه ظلام ف ظلام
**************
*****

تسلم آلآيآدى

نتمني منگ آلمزيد

تحيآتى لگ

آحمد آلمصرى

روووووووووووووعه

» الأفق ظلام
» فى ذكرى مولده محمد رسول الإنسانية.. علماء الدين: نور بدد ظلام العالم.. ورحمة طالت جميع الخلائق.. والاحتفال الحقيقى يكون بالتأسى بأخلاقه وإحياء سنته