خماسيات ( 5 )
محمـــــد منســــــــى
.......................
أحمــــــد عــرابــى (1)
....................
أحمد عرابى بطل قــــــــــال للخديوى لأ
الوقفه وقفة شهامه والقولـــــــه قولة حق
خلّى الخديوى يطاطى وينـــــكسر ويطق
لولا المؤامره وكل الدنيـــــــــــا عارفاها
كان مصر عاشت زمانها وهى برّه الشّق
.......................
مصطفى كامـــل ( 2 )
......................
زينة شباب الوطن مصطفى كامـــــــــــل
دا ابن مصر الأصيل فعّال ومش خامــل
درس العدو الغاصب وازاى بيتعامـــــــل
يوم دنشواى شفنا غيرته على بلــــــــــــده
لو كان فى عمره بقّيه كان الانتصار شامل
....................
محمد فريـــــــد ( 3 )
......................
ضيّعت مالك وجاهك حبك لمصــر شــديد
حملت راية الجهاد بفكر راقى جـــــــــديد
الانجليز والقصر ليه رحّـلوك لبعـــــــــيد
يالّلى عشقت الوطن .. فى الغربه واتوفيت
انت ف رحاب الله .. وفى القلوب يا فريد
....................
سعـد زغلـــول ( 4 )
....................
الرايه بعد فريد وصلت لايد زغــــــــلول
ثورة تسعتاشر ثوره فى وش الغـــــــــول
الانجليز اترنحوا .. وفؤاد صبح دلــــدول
وسعد قال الجلاء يا اما دونه المـــــــــوت
يا سعد عبد الناصر انت اللى باعته رسول
.....................
جمال عبد الناصر ( 5 )
....................
سبعين سنه والانجليز كابسين على نفوسنا
ناصر مع الثوار رجّــع لنا نفـــــــوذنـــــا
ع الانجليز والمـــــلك بالأحذيه دســـــــنا
أمّــم قناة السويس خيرها صبـــــــــح لينا
وبنينا برضـــــــــه السد.. بنيناه وبفلوسنا
........................
أنــور السادات ( 6 )
..........................
حمل الأمانه بأمانه للأمان والنــــــــــور
حرر بلادنا بضربه جويه وراهــا عبور
رفع رايات السلام لما كـــــــــان منصور
بطل السلام والحرب يا أنور الســـــادات
دا انت كفاحك شريف جوّا القلوب مسطور
ـــــــــــــــــــــــــــــــــــــــ