يهوذا خـــان

محمد منسى الأربعاء 27 أغسطس 2008 - 10:18

وصاح فيــــه

بصوت نازل ينقّط ســــم

ويشـــرب دم :

ما تسألنيش طريقى فين

ولا رايح وجاى منين

ومين انت عشــان تسأل ..؟؟

...................

...................

صحيح أنا ميــن ..؟؟

صحيــح أنا إيه ..؟؟

أنــــــــــا ...؟؟؟؟؟؟

أنا الجسر اللى كان لازم يمر عليه

عشان يعرف طريقه فين

أنا المعنى اللى عاش عمره عشان يلاقيه

ولو شافنى المسيح مره

أنا بأعمل عشانه إيه

أنا بأفرش طريقه ليه

بود وخيــــــــر

لكان قال لى :

ما ترميش الدرر للى ما يعرفها

حرام ترميها للخنازير

..................

.................

يهوذا عـــاد

وسلم صاحبه للجلاد

وقبليها المسيح قال له :

ما حدش يوم من أصحابى

ح يغدر بى

ويرمينى لجلادى

فى يوم غيـــرك ..

وفعلا كان

قابلنى فى الطريق قال لى :

طريقى معــاك

وخدنا العهد ما بينّــا

وقلنـــا نمشـــى

ومشينــــــا

وقابلتنا سدود وحدود

ومن فوق السدود فتنا وخطينا

وبات الزهر يسقينا عبيره خمــــر

سكرت ....

وشاف يهوذا سكرتى

اتحرك فى قلبه الشر

وشاف ضعفى وانا سكران

ملا كاس العسل بالمر

وفقت لقيت يهوذا غاب

وفات لى ناب

بيسقى سم

ويشرب دم

وقمت أصلب فى يوم عودى

وأروح أسأل على وجودى

وأشوف أنا فيـــن ...

لقيتنى ع الأمل مصلوب

وطيف أشباح بترجمنى

بحجر وبطوب

عرفت ف شكلها رسمه

وجرحى لقيته بيتمتم

حروف اسمه ....

يهوذا خـــان

يهوذا خـــان

يهوذا خـــان

يهوذا عمره لم فكر

فى يىم يخلص

ولا يبقى ف يوم انسان

*******************

************

((  إن لم يكن شعري كعهدي به


فحسنك الشعر الذي أهوي   ))


م . منسي

oshena love الأربعاء 27 أغسطس 2008 - 18:34

محمد منسى الأربعاء 27 أغسطس 2008 - 19:19

((  إن لم يكن شعري كعهدي به


فحسنك الشعر الذي أهوي   ))


م . منسي

ميدو المصري الخميس 28 أغسطس 2008 - 16:40

محمد منسى الجمعة 29 أغسطس 2008 - 16:26

((  إن لم يكن شعري كعهدي به


فحسنك الشعر الذي أهوي   ))


م . منسي