يا دنيا حني عليه

**حــب العمـــــر**

يا جماعة أنا زهقانة من الدنيا مش فرحانة
كل الظروف حوليا بتبكي دمع عنيه

مبقتش قادرة أتحمل خلصت دمع عنيه
كل أما أحاول اضحك تضحك عليه الدنيا

يا دنيا حني عليه أنا عايزة بس الفرحة
وكفاية جرحك فيه دانا قلبي شايل منك

يا جماعة حد يقولى ازاى أصالح زمني
كل الخصام دا ما بنا عشان بتجرح فيا

وخلاص تعبت نفسي افرح شويا
مش عايزة غير الضحكة ترسم في عيني البسمة

مين السبب في عذابي أيامي ولا حياتي
مين السبب في آلامي أصحابي ولا أحبابي
قولولى لو غلطانة أعيش معاكوا ازاى
قو لولى أنا غلطانة وغلط ليه وفي إيه

يا جماعة دانا زهقانة من الدنيا مش فرحانة
كل الظروف حوليا بتبكي دمع عنيه

احترت أراضي في مين وبرده مش راضين
بعمل حساب لناس
بمسح دموع أحباب

لكن كفاية خلاص تعبت من الإخلاص
كل الصحاب خاينين عايزني ابكي كتير

وحاولت اعمل زيهم رجعت رافضة كدبهم
حاولت أغير قلبهم لقيت ضياع في عمرهم

فكرت أنى أضمهم لقيت في شوك في حضنهم
لو عشت عمر فوق عمري عمري ماهقدر أتحمل

طب هعمل إيه فيك يا زمن وازى هندفع الثمن
تمن الحياة من دمعنا تمن السكات من جرحنا

لو راحتك يا دنيا عذابي انا هكتم فى آهاتى
انا هسكت وهتألم لكن عمرى ما هتكلم

ولكن ارجع واقول العيب مش فى الدنيا العيب فينا احنا البشر

_________________

**محمد منسى**

أبكتنا شهرزاد الحب والعواطف
الملقبة بـــــ :
( حب العمـــر )
فقالت :
*************
طب هعمل إيه فيك يا زمن وازى هندفع الثمن
تمن الحياة من دمعنا تمن السكات من جرحنا

لو راحتك يا دنيا عذابي انا هكتم فى آهاتى
انا هسكت وهتألم لكن عمرى ما هتكلم

ولكن ارجع واقول العيب مش فى الدنيا العيب فينا احنا البشر
***************
ياريتنى يا شهرزاد ما جيت
ولاشفت السطور وقريـــــت
صعبان علىّ الطير بينـــــوح
وأنا أصلى زيّك كلى جــــروح
**************
احكى يا شهرزاد
أنا والدمع بقينا معاكى
دايما دايما بينّا معاد