مسيــــخ دجـّـــال

محمد منسى الجمعة 20 مارس 2009 - 18:54

وبارفض زفــة الوالــى


وباتمرد على الحجّاب


قصاد الباب


وع النصّاب وع القصّاب ويحلالى


أدوس المشعر الكداب بحرف كتاب


ويحلالى أقول موّالى بالعالى


وأفضح كلمة البهتان


وأهتك سترها البالى


ويحلالى ..


أكون إنسان مع الإنســــــان


واكون شيطان مع الشيطان


واكون طـــوفان


بيكسح كل عفن الزيف


وعطن الكيف .. ويحلالى


أكون قوّال وأكون قتــّال


سلاحى الكلمه والموّال


وأسحب سيفى ع البطّال


وع الدلاّل وع الأندال


ويحلالى خضار الريف وكرم الضيف


وحر الصيف بيدفعنى إلى الغليان


على الفتــّان وكل جبــان


بيهدر عزة الإنسان .. ويحلالى


أفتح صدرى للنيران


أواجه فوهة البركان .. وأتصدى


وأقول الكلمه فتــّاكه بألف لسان وأتحدى


وأقول الحكمه هتــّاكه لسر الكون ..


وكن فيكون وفى المليان


********************


بيحلالى


أعــدى بحور خداع النور بقلب جسور


وأنط جدار حصار الزيف


وأحب الضرب ع المكشوف


ويبقى الضرب ع الحامى


وأخلّى سهامى قدامى


يا اكون قاتل يا اكون مقتول


واحب اللعبه ملعوبه ومحبوكه ومحسوبه


ساعتها القول ح يبقى عنيف


أطيح فى الخلق لا أبالى


خسيس الطبع فى الإنسان


ردئ وجبان


ما يعرفشى بأن كرامة الإنسان هدف أسمى وربــّانى


وإن العزه حق أصيل ورحمانى


مسيخ الكون صفيق الوجه والنيه


حقير الفكر شيطانى


وأنا ضده ومهما يكون


عساكر جيشه من خفافيش


جايّه تقش ما تخليش


وناويه تسد عين الشمس


وتطمس طمس حلم الأمس


...........





ح أقول الكلمه فتاكه بألف لسان





وأقول الحكمه للإنســـــــان





أنا شاعر باحب الكلمه وأعشقها





وكن فيكون وفى المليـــــان





*********************

((  إن لم يكن شعري كعهدي به


فحسنك الشعر الذي أهوي   ))


م . منسي

A-ELMASRY الجمعة 20 مارس 2009 - 19:59

أوعى المظاهر تخدعك ولا كلمه حلوه توقعك ولا صاحب ندل يضيعك ولا عيشه مره تغيرك
ولا قلب عشقته يحيرك ولا ناس حبتها تدمرك ولا غربه صعبه تكسرك
ولا حبيب مخلص يخصرك ولا دمعت حزن تسهرك ولا كلمه تقولها تصغرك
دى الدنيا لحظات والناس مقامات والزمن مسافات والحب كلمات وانت زى
الورد ان دبل مات

للمراسلة والاعلان على الموقع اتصل بنا

من هنا

Dedly Silence الجمعة 20 مارس 2009 - 20:00

Uploaded with ImageShack.us

نجمه المنصوره الخميس 26 مارس 2009 - 7:24

زائر الجمعة 27 مارس 2009 - 14:46

met3b الجمعة 27 مارس 2009 - 17:09

ده انا مش تعبت و بس ده انا من اللى شوفته معاك مابقتش حتى احس ... احبك على ايه ؟؟؟؟ استكفيت عذبتنى و مليت خليتنى قولت يا ريت ما عيشت معاك .... ياما اديت شوف اد ايه ضحيت ....

نفس الكلام بالظبط اللى انتا قولته زمان و زمان عليا كدبت ... اصدق تانى ليه ؟؟؟؟؟؟؟