نتحدى الملل :: ادخل و موت نفسك من الضحك :: بسرعه يلا

بسم الله الرحمن الرحيم


قصه مضحكه يارب تعجبكم اتنين مصريين سمعهم تقيل جدا

واقفين على محطه الاتوبيس ودار بينهم الحوار ده

الاول / الاتوبيس ده بيروح مصر الجديده ؟

التانى / على الحديده ....... ليه انت طالب احسان ؟

الاول / بذره الكتان ....... لا .. دي تلاقيها عند العطار

التانى / جزار ...... اه .. قوللى كده ..... عايز تشتري لحمه

الاول / معاك حق .. الدنيا زحمه ... علشان ده ميعاد خروج الموظفين

التانى / نور الدين ....... لا والله .......ماعرفهوش

الاول / مابتشربوش...... ليه .......كفا الله الشر

التانى / راس البر ........ ده مصيف هادي

الاول / عايز تركب للمعادي ........دي منطقه جميله

التانى / بليله ....... انت شكلك كده جعان

الاول / عيان ... اي والله . انت باين عليك عيان . طب ماتروح للدكتور

التانى / الحنطور ...ده احسن من الاتوبيس , وبيوصلنى لحد الباب

هههههههههههههههههههههههههههه

الاول / هباب ..... وانا اللى كونت فاكرك محترم

التانى / اتخرم ........ هو مين ؟ ههههههههههههههههههههههه

الاول / عاوز اسبرين . ليه انت عندك صداع ؟

التانى / قراع .. ينهار اسود . ده مرض خطير

الاول / فطير ...... لا والله مش عايز . وبعدين مش بحب الفطير .

تقيل على المعده وتمنه غالى

التانى / خالى .. انت تعرف خالى ؟ ده رجل كبير فى السن

الاول / الجن ...نهارك مش فايت ....انت عليك عفريت ؟

التانى / لا والله ..ممعاييش ..انت عايز الكبريت ليه ؟ عايز تولع ؟

الاول / ادلع . ادلع عليك انت ؟ انت ما تملاش عينا .

التانى / يقبضوا عليا ............. ليه ؟؟؟؟؟؟

الاول / انت غريب ياراجل انت ...... شكلك شحات , ( يدفعه من

القميص ) روح اشتغل شغله تاكل منها عيش

التانى / خيش ........ والله ده صوف انجليزي

الاول / بنتك زيزي.......... ربنا يخلى

التانى / انتاج محلى ... ده مستورد ههههههههههههههه

يمر شاويش ........ يلفت انتباه الحوار , بتعمل ايه ياجدع منك ليه ؟

الاتنين / ايوه ياشاويش ........ احنا مستنين الاتوبيس

الشاويش / جواسيس ........ نهاركم مش فايت ....... قدامي على

القسم بسرعه ههههههههههههههههه

هههههههههههههههههههههههههههههههههههههههههههههههههههههههههههههههههههه


جامد يا متعب يخرب عقلك يا واد انت مشكلة والله


تحياتي ليك يا جميل علي الخفة الجميلة دي

تسلم ايدك يا جميل

تحياتي لك مرة اخري


احمد المصري