بتحبها .........

***romantic angle***

الموضوع طويل طويل بس يارييييييت تقروا للاخر اتفقنا ؟؟؟

اه اتفقنا بتحبها ......... Biggrin

ندخل ف المفيد بقا

بتحب؟!

اوي؟!

قولتلها انك بتحبها؟!

وكان رد فعلها ايه ؟!

هي كمان طلعت بتحبك..

وبعدين؟!

لا ازاي الحب فيه بعدين ..

زي انكـ هتعمل ايه بحبك ليها

ولغايه ما تقدر تتقدم هتعمل ايه ؟!

انا انسانه بردو واكيد هيجي يوم هحب واتحب بس الفرق بينا اني حسبتها صح .. قولي بس ناوي علي ايه وانا اعلمك تحسبها صح..

هتقضيها مكالمات وحوارات واحيانا مقابلات..

واهلها عارفين؟!

وياتري لما بتقولك بحبك بتصدقها؟

طيب ازاي وانت ساعدتها تكدب علي اهلها؟

حتي لو الاهل تفكيرهم رجعي من وجه نظرك يبقي البنت اقل منهم تفكير لانها اختارت تحل المشكله بالكدب وانها تستغفل اهلها..

تعمل ايــــــــــــــــــــــــــــــــــه ؟! هو ده اللي انا عايزه اقوله.. بتحبها اوي ومعاك في الجامعه - في الشغل- في الشارع - في اي مكان مش هقولك بطل تحبها لان محدش يقدر يشيل الشعور ده من جواك.. انت بس بنفسك تقدر تتخطاه..

او.. توظفه في الحلال

ازاي؟! .. اولا لازم تحط في اعتبارك ان الانسانه دي بنت ناس
ايا كان مستواهم فهي بنت ناس .. وفي الغالب الناس دي معترضه ان بنتهم تحب وتستعمل الحب
تستعمله يعني تكلمك وتخرج معاك..
دي سمعه يا بن الناس مش لعب عيال..
ده من وجهه نظرهم ..

شوفت خلتني برضه ارجع لكلام الناس..
ونسيت اهم نقطه ..
ربنا..
تعالي نتكلم شويه ونرجع لكلام الناس

ان الاهم من السمعه وكلام الناس ان في رب مطلع..
مش محتاجني اقولك ان العلاقه في شرع ربنا محرمه
ماهو مش علشان مش بتلمس ايديها واكتر حاجه سمعتهلها بحبك وحشتيني والاسطوانات المشروخه دي يبقي اللي بتعملوه مش حرام..
لا حرام ..عارف ليه؟
لان ربنا خلقلك قلب غلفه بحبه ده المفروض .. جعلك حب الام من ثانيه الولاده وحب الاب بيبدأ من ثانيه اول ما تشوفه اكتر من مره وتاخد عليه
وحب الاخوات بردو كده
وحب القرايب
وحب الاصحاب من اول ما تلاقي انسان محترم يبقي صديق ليك
وحب النص التاني؟؟!!
من اول ما تلاقيه وتحس انه فعلا بقي النص التاني؟

معاييرك ايه؟!

شكل؟
استايل؟
روشنه؟

شخصيــــــــــــــــــــــــــــــــــــــــه؟

طيب عرفتها ازاي؟

اتكلمت معاها

هعتبره في حدود الدراسه قدرت تتعرف علي شخصيتها في حدود الدراسه؟
قدرت تعرف هي بتفكر ازاي بالارقام والحروف؟

اكيد اتكلمت معاها في مواضيع خارجيه وامور شخصيه
آدي تاني غلطه محرمه

ايوه هو مش رسولك صلي الله عليه وسلم حذر من الاختلاط وقال انه محرم في الاسلام..
طيب آديك خرقت حاجز تاني في طريقك يبقي تفتكر العلاقه هتنجح
لا يبقي انت غلطان لان ربك يمهل ولا يهمل
زي ما بتعارضه في الدنيا زي ما هيديك علي قد عملك
في الدنيا والاخره
يعني هتبص تلاقيها علاقه غلط ان نجحت في الاول هتفشل في النص وان نجحت للآخر هتفشل لآخر الآخر
يعني معني كده ان ربنا لما خلقلك قلب حطلك فيه ميعاد تحب وتوظف الحب..

امتي ؟!

لما تبقي رجل بمعني الكلمه عقل يفكر ان دي الانسانه اللي تنفع تفتح بيت وانها شريكه العمر وقلب بيحب يشوفها يلمحها بس معديه وجيب مش لازم مليان بس يقدر يفتح بيت او في طريقه انه يفتح بيت وايد تخبط علي الباب من بابه مش من شباكه يبقي هو ده ميعاد الحب

الحب اللي مش بيسمحلك بس تخرج معاها اللي بيسمحلك انك تعتبرها ضلع من ضلوعك

حبتها واللي كان كان انا عارفه وخلاص مبقتش قاادر علي بعدها

ماهو علشان متخسرهاش ولا هي تخسر حبها لازم تسمع كلامي..

روحلها حالا قولها كفايه كده بقي ؟
طبعا هي هتستغرب انت بتقول كده ليه متبصش لا في عينيها ولا في رد فعلها كمل اللي هقولك عليه ده..
قولها كفايه استهتار
كفايه استهتار ان في رب لا بيغفل ولا بينام عارف ان انا وانتي مش بنبالغ في الغلط بس بنغلط
كفايه بقي نتقابل من ورا اهلك
كفايه نتكلم في التليفون
كفايه كلمات وان كانت في نظرنا صغيره ومفيهاش حاجه كفايه انها بتغضب ربنا وفيها عصيان لأوامره
فاكره فاكره واحنا بنحلم ببيت صغير يبقي جميل واطفال نعلمهم في احسن مدارس واسبوع كل سنه نسرقه من الوقت نقضيه مع بعض في مكان بنحبه تفتكري حياه سعيده زي دي هتيجي مع كل التنازلات اللي قدمناها في الدنيا؟
تفتكري ربنا بيدي حد عصي كلامه ؟
كفايه كده بقي ..
اصبري وسيبيني انا كمان اصبر ولما ربنا يديني ويفتح عليا وينفع اجي واتكلم مع اهلك عنك هاجي واخبط الباب
بصي يا بنت الحلال انا بحبك وهفضل احبك بس مينفعش استعمل الحب ده دلوقتي الا لما ابقي قادر ارتبط بيكي قدام ربنا وقدام الناس ..
وعلشان اثبتلك اني مش بهرب منك انا مستعد اتكلم مع اهلك
ايوه مستعد هقولهم ان انا بحبك من زمان وعايز ارتبط بيكي بس انا مستني الفرصه اللي ابقي فيها جدير بيكي..
عايزك تفهميني وتساعديني انا وانتي نطلع من بحر الاساءه اللي ان اوانتي غرقنا نفسنا فيه ..

والله عجبها كلامك وصدقتك واقتنعت ومش عايزه اقولك عيطت من كتر زعلها علي نفسها.. يبقي انت اخترت صح يا مان ويبقي دي انسانه متتعوضش
المحترمين اقل من الزيتون علي البيتزا..

معجبهاش كلامك واخدته علي محمل انكك بتكدب عليها وشكت في نيتـك يبقي انت غلطان من الاول في اختيارك يا سيدي مش هي دي اللي قدام اي موقف بعد كده هتقدر تثبت حبها ليـك ..

معجبهاش كلامك بقي ولسه عايزه تقضيها حورات والحياه عندها ايزي
بزمتك يا راجل دي واحده تأتمن علي بيت واطفال ؟؟!

شوفت انا حسبتها صح ازاي؟
شوفت ان طاعه ربنا والامتثال لامره حلوه ازاي؟
علشان يوم ما تحب وترجعله لو حصل شيء لا قدر الله قلبك ميتحطمش من كتر الجروح
شايف اصلا ربنا بيحبك ازاي..
كفايه عليك كده يا بن آدم
اظن انا قولتلك كل اللي فيها هتقولي متكلمتش عن كلام الناس
هقولك الناس مبتبطلش كلام يكفي ان احنا راضيين ربي وربك ورب الناس

**Mzingy** · **Mzingy** الجمعة 18 ديسمبر 2009 - 0:07

مشكور
مشكورمشكور
مشكورمشكورمشكور
مشكورمشكورمشكورمشكور
مشكورمشكورمشكورمشكورمشكور
مشكورمشكورمشكورمشكورمشكورمشكور
مشكورمشكورمشكورمشكورمشكور
مشكورمشكورمشكورمشكور
مشكورمشكورمشكور
مشكورمشكور
مشكور

***romantic angle***

شكراااا ليك على مشاركتك الجميله

**just boy** · **just boy** الجمعة 15 يناير 2010 - 5:56

اولا توبيك هاااااااااايل
بس انا ممكن احط ليه عنوان تانى دا بعد ازنك
بلاش حب واخلاص هنتجوز وخلاص
انتى قصدك ان قطمه احسن من نحته يعنى يبن الحلال معاك تخش رسمى يبقى الحب ده تمام كمل فيه
انما يا غلبان لو ايدك مش طايله يبقى انا اسف ملكش عزر عندى وعلاقتك لازم تنهيها
انا معاكى ان الدين بيحرم علاقة اى ولد ببنت غير رسميه
بس مين يفهم ؟
عارفه محدش هيفهم ليه .... لان باختصار شديد زمان كان اللى بيتجوز يقول انا مرتبط
انما دلوقتى اللى مرتبط(عاطفيا ) بقه زيه زى المتجوز
صعبه شويه؟ طب اوضح
يعنى المتجوز ما ينفعش انو يفكر يتجوز نفس البنت تانى لانو اصلا متجوزها
كزلك المرتبط خلاص انا مرتبط بيها هعمل ايه تانى

الموضوه كله مش مشكلة شباب وبنات دا طريقه تفكير وحياه احنا عايشنها دلوقتى

للمره التانيه توبيك هايل وانا اسف لو طولت فى الرد

**Dedly Silence** · **Dedly Silence** الجمعة 15 يناير 2010 - 13:30

السلام عليكم ورحمة الله وبركــــاتة

طبعا التوبيك هايل جدا جدا جدا

وبجد فية حجات الواحد مكنش بيفكر فيها اوى

واحنا كنا بنفتكرها صغيرة وفعلاا مش هقولك الواحد بيبقى قريب من ربة ع طول ساعات بننسى بس ف لحظة الواحد بيقعد يفكر

اية الى انا بعملة دة
هقولك ع حاجة يا رومانتك فعلاا الحب مش كلمة الحب فعل ولازم لما تحب الى قدامك لازم تبقى جدير بية

بس هقولك ع حاجة ف كتير من الشباب بيقولها ف نفسهم

انا بحبها عشان كدة بتحصل افعال غصب عنى زى الكلام الجميل دة بيبقى وصف صغير من الى جواة وانا معاكى انو حرام بس مفيش طريقة غير دة

اما طبعا المقابلاات التلفونات والحوارات الميتة دى ميتسماش حب

لان واحد زى دة او واحدة زى دى متتأمنش طبعا انها تبقى ست بيت او يكون راجل بيت

بشكرك بجد يا رومانتك ع موضوع الجميل دة وطولت شوية ف الرد بس دة الى جواية فعلاا

HeMa ELmAsRy

بتحبها .........

بتحبها .........

رد: بتحبها .........

رد: بتحبها .........

رد: بتحبها .........

رد: بتحبها .........

للمشاركة انت بحاجه الى تسجيل الدخول او التسجيل

التسجيل

تسجيل الدخول