(( وانـت فـــــايـت ))

**محمد منسى**

وانتَ فايت ع المكان *** اللىّ كنا فيه زمان

نبنى أمانينا

افتكر قلبي اللى صان *** وافتكر مين اللى خان

عهد الهوى فينا

وانت فـــــــــايت

**********************

فوت وشهّـِد كل ورده *** قولها مين النهارده

فينا ناسي الود مين

وان لقيت الورد مال *** فوق غصونه ودَمْعُه سال

افتكر قلبي الحزين

اللى مشتاق للمكان *** اللى كنا فيه زمان

نبنى أمانينا

وافتكر قلبي اللى صان *** وافتكر مين اللى خان

عهد الهوى فينا

وانت فـــايت

************

فوت وسلـّم ع الأمانى *** اللى كانت عمر تانى

عشنا فيه من غير ما ندرى

وافتكر دمعه فى خدّى *** لسه عايشه ويـّـا عهدى

بتناديلك تيجى بكره

وتقابلنى فى المكان *** اللى كنا فيه زمان

نبنى أمانينا

وافتكر مين اللى صان *** وافتكر مين اللى خان

عهد الهوى فينا

وانت فايت

**************

********

زائر · زائر الثلاثاء 11 أكتوبر 2011 - 5:12

بسم الله ما شاء الله يا استاذ منسى كلام جميل جدا والله
وطول عمرك شاعر وامبراطور للشعر
فاكر امبراطور دى كان اللقب بتاعك ايام المنتدى القديم
انا لسه فاكر ومش هنسى احلى ناس والله واحشنى جدا
ومشكووور على الكلام المبهر ده اللى لو قريته مليون مرة مش هزهق
^_^