يا حكومة عندى شكوى

**محمد منسى**

يا حكومة عندى شكوى
............ من فقير كان قلبه خايف
لما شاف الرز زاد
................ واتحرم من القطايف
خلتولو العدس لحمة
.............. خلتوه يعيش فى زحمة
ارحموه لأنه صايم
............. بتعاملوه على أنه نايم
نفسه حُقنة بالوريد
................ والفراخ عمّال تزيد
والسمك برضوا غالى
............... خلتوه عمّال يلالى
ليه تخلو ناس تضيع
.............. فين يا ألبان الرضيع
كل يوم السعر نار
............. السحور ويّا الفطار
انتوا نايمين في الوزارة
.......... والفقير نفسه ف خيارة
بس دا غالى عليه
............ نفسى تسمعنى يا بيه
يا فقير حقك براسى
............ دُولا عشاق للكراسى
ياللى بتربى ف اليتيم
............. ماتخافيش.. ربك كريم
مهما قالوا بالمكاسب
.......... ربنا جبّـــــــــــــــار وعادل
الحقوق عنده تصان
.......... ع الصراط وع الميزان

*****************

***********
-