: رحله إلي جهنم

**المدير العام™** نشاط العضو : 5913

فى العصر العباسي الأول كتب حكيم الزمان رهين المحبسين الشاعر الكبير أبو العلاء المعري رائعته رسالة الغفران مستلهما إياها من رحلة المعراج الشريفه وبعده بعشرات السنين نهج الشاعر الإيطالي دانتي اليجيري نهجه وصاغ جحيم دانتي مستلهما إياها من عمل المعري الخالد والآن أصحبكم في : رحله إلي جهنم

********

**المدير العام™** نشاط العضو : 5913

واحد صاحبى دعانى ف حفله وقاللى ضـرورى تشّرف فيها

سهرة مغنى وحاجه لطيفه عشان نتهنى وننعــــــم بيهـــــــا

قلت يا صـــاحبى أنا متشكر ع الدعوه دى ولازم أجيهـــــــا

رحت الحفله وقلت دى لازم حفلــــة مغنى وحاجه وجيهــــه

رحت لقيت الكل بيسكر جنبـــه كاســــاته وبيعبيهــــــــــــــا

******

**المدير العام™** نشاط العضو : 5913

شفت الكل كبير وصغّير نازل شــــرب وشــــرب بهمّــــــــه

قلت ليلتكم والله يابعدا ح تبقى بلون الحبر وضلمـــــــــــــــــه

قلت أستأذن جم حاصرونى وقفت لوحــدى ف وســــط اللّمــه

دا من يمّه يقوللى اتدردح دا انـــــــت باينك لبخـــــه ولخمــه

ودا من يمّه يقول قيم كاسك ياللا ومز بحتة لحمـــــــــــــــــــه

**********

**المدير العام™** نشاط العضو : 5913

قلت أنا بدى اصارحكـوبقولتى الخمر مضـــره وقلــــــة قيمــه

ضحكوا وقالوا لازم واحد باعتك تشـــــــبع فينـــــــــا شتيمـــه

واللى يقوللى دى ليلة أنس وكاسها يخللى الفرحــــــــه عظيمه

واللى اتدروخ قاللى استذوق خللى ليلتنا تعدى سليمــــــــــــــه

إلا و واحد جاب لى قزازه و واحد جاب لى وراه بريمـــــــــه

********

**المدير العام™** نشاط العضو : 5913

قلت أنا حالف ما اشرب عمرى طول ما انا عايش صنف الخمره

قالوا يا سيدنا ولو كاس واحد نحيّى صــاحبنا وتحلى السهــــــره

مالك سايق ليه ف عنادك هىّ خلاص الكلمه مسوجــــــــــــــره

رحت فاتحها وقلت اهى ليله تفوت وتعدى وزى ما يجــــــــــــرا

رحت مكيّل كاس واتنين و تلاته وسبعه وتسعه وعشـــــــــــــره

*******

**المدير العام™** نشاط العضو : 5913

بعد ما تم الشرب ودخنا بدأنا ف وصلة رغى كــــــــــــــــــــــلام

جبنا ف سيرة النار والجنه قلت جهنم دى أوهــــــــــــــــــــــــــام

لعبت بيّا الخمره كفرت وأصل الخمره رسول إجــــــــــــــــــــرام

لأ والأعجب من دا ومن دا إن ما حدّش قاللى حـــــــــــــــــــــرام

بل بالعكس قالولى كلامك شهد مكرر كلـــــــــــــــــــه تمــــــــــام

*****

**المدير العام™** نشاط العضو : 5913

رحت البيت عمّال باتطّوح ماشى مدهول وانا تعــبان

جسمى مكسر عقلى مبرجل ماشى اتخّبط فى العمدان

رحت البيت وكأنى بقالى أيام وشهور وسنيـــن عيّـان

نمت ازاى وانا لابس البدله شىء مش فاكره ولا دريان

نايم رسمى لأ والمدهش لابس الجزمه ف رجلى كمــان

*****

**المدير العام™** نشاط العضو : 5913

شفت ف حلمى ملاك له هيبه وباين إنه ملاك جبــار

لما شاورلى وقاللى تعالى اتلخبط عـــقلى ولّف ودار

قاللى انا عايزك قلت أفندم ؟ قاللى نحصّل سـوا مشوار

قبل ما اقول له جنابك ميــــن ؟؟ سبّق هو بكل وقــــار

قاللى انا مالك قلت وظيفتك ؟ قاللى ريّس حـــرس النار

*********

**المدير العام™** نشاط العضو : 5913

قلت له مرحب بيك فهمنى مشوار ايه ح نروحه كمان

انا بصــــراحه جسمى مكسّـــر فعلا فعلا أنا تعبـــــان

بس عافينى الليلــــه وبكره ح البس جبّه مع القفطــان

قال ح نروح مشوارنــا الليله من غيــر لفّ ولا دوران

حتمــا لازم تيــجى معايــا نتفســـح جـــوا النــــــيران

*******

**المدير العام™** نشاط العضو : 5913

قلـــت النـــار ح اتفســح فيها ؟؟ لأ ولأ وألف محـــــال

أنا أتفســح جوا جهنم ؟ وامشى كمــان وسـط الأهـــوال ؟؟

قال ما تخافشى ما دام ويايا محال ح يصيبك شىء بطّال

خدنى وطفت معاه على ناس على جمـر النار بتشوف أهـوال

اللى بيصرخ واللى بيلطـــم واللى آلامــــه تهـــــد جبـــال

*******

**المدير العام™** نشاط العضو : 5913

جه على واحد ناره قويه ومالى الجو صراخ وعــويـــل

قاللى دا مجرم كان فى الدنيا ف قتل النفس مالهشى مثيــل

لما يصمـــم يقــــتل واحــــد الصبحيــــه يـــلاقوا قتيـــل

راح فى محاكم غالط فيهــا بصــف شهـود وبألــف دليل

جه فى الآخره وصادفه جزاؤه وهنــا فى الآخره مافيش تضليل

*******

**المدير العام™** نشاط العضو : 5913

ودا كان راجل قاسى وظالم عاش فى الدنيا ما لهشى ضمير

كان بيطلّع مال بالفـــــــايظ مـــــن رحمه بربح كتيــــــــــــر

كان جـــلاد وغرامــه يعـــذب كــل قليــــل المــال وفقيـــــر

اللى يكون محتـاج لفلـوسه بعيــش طـول عمـره ف ذلّه أسير

جــه فى جهنم ربّــك ذلّــه وأصــل الظلـــم حســـابـه عسيـــر

**المدير العام™** نشاط العضو : 5913

ودى كــان جوزهـا بيخلص ليهـا وكانـت هــى شيطـان غدّار

باعــت ودّه وخــانت عهــده وخلّـت عيشتــه مــرار فى مرار

هــو رعــاهــا بعطفــــه وهــى جلبــت لــه ولإسمـــــه العـار

طاوعـت طيشهـا طوتهـاالموجه وبحر الطيش دامالهشى قرار

ماتت فاجــره ونــــار الآخره دى وعـــد الخـــالـق للفـجّـــــار

*********

**المدير العام™** نشاط العضو : 5913

ودا وصّــوه على خمسه يتامى قرايبه وكانوا ولاد قاصريــــن

حـــب المــال نسّــاه الرحمـه مــدّ ايديــــه لفلـــوس مســــاكيـن

بــدّد مالهــم ضيّـــع حالهــم لاجــل يربـــى ف ملــــك وطيـــن

سابهــم طول العمـــــر حيارى ف ذل وضيقه ويشكوا لميـــــن

جــه فى الآخـــره ونــار الآخــره شديده وحاميه على الظالمين

********

**المدير العام™** نشاط العضو : 5913

ودا كان تاجــر بـــــس ميزانـــــه كان بإيديــه دايمــا خســـران

ربّنــا قال ف كتــــابه المحكــم اوعى تخّســــر فـــى الميــــزان

خالــف أمــر المولــى تعــالى يعـــنى حرامــى ولــــص كمــان

ياكل حـــق النـــــاس بالغــــش وخد فـــــى الغش وسام ونيشان

جـــه فى جهنــــم يلقــــى جزاؤه مهــــل وسحـــل وأكله نيــران

********

**المدير العام™** نشاط العضو : 5913

ودا كان حـــــاكم عـــنده رعيّـه شافــــت منه الويــــل أشكــــال

شعبــــه جعــــان مش لاقى اللقــــمه وهوبيجمــــــع فى الأموال

إســــتبدادى بمــــعنى الكلمــــه وأى كلام مـــن غيـــره ضــلال

ياما سجــــون مع قطـــع رقاب كان على بلـــده وشعبه وبـــــال

هنا فــــى جهنــــم وســــط النار بعــــد العــــز يشـــــوف إذلال

*********

**المدير العام™** نشاط العضو : 5913

ودا كان لص خطـــــير وبينهب بدل المال ف عروض النـــاس

كان له ضحايا سلبـــــــــها شرفها خدعها بوعد مالهشى أســاس

غرّر بيـــــــهم لاجل مزاجــه ماهو فى الأصــــل خسيس هلاس

عمره ما راعى الحرمـــــه ف مرّه طبق الأصل كمـــا الخنـــاس

هــــنا بيعيش فى الــــنار و مخلّـد أكله وشربه المهـــــل ف كاس

**المدير العام™** نشاط العضو : 5913

أما الراجل دا ملعون عاش طول عمره ومات كذّاب

لما يقابلك و ح تسمع له كل سؤال له عنده جـــــواب

عمره ما يصدق أبدا أبدا أصل الكدب ف دمــه مذاب

ياما مشاكل غرّق فيها الناس بالكدب وكان مغتــــاب

والكداب دا يبقى حسابه هنـا فى جهنـم ضعـف عذاب

*******

**المدير العام™** نشاط العضو : 5913

ودا كان راجــــل فاســــد جدا كل حياته قمار فى قمـــار

ياما الناس نصـــحوه وقــــالوا له إن الميسر آخره دمــار

ولا كان يقـــــبل أى نصيحه يعنى مــع سبــق الإصــرار

كان بيخرّب دور عمــرانه وكان فى الغــش قوى وجبــار

ياما وغش الناس فى الدنيـا وهنــا فى الآخــره مكانه النار

********

**المدير العام™** نشاط العضو : 5913

ودا كان قاضى وظيفته بيحكم بين الناس بما يرضى اللــه

ضـيّـع نفســـــه لما ضمــيره ضـل طريقــه منـــه وتــــــاه

مشى فى طريق الرشـــوه وأصبح يحكم كما إبليس وصــاه

ينصـــر ظالم عــلى مظلــوم لمــا مـــيزان الحــق رمـــــاه

جه فى الآخــره فى قلب جهنـــم وآدى إبليس بالمره معـــاه

********

**المدير العام™** نشاط العضو : 5913

ودا كان راجل خان العهــد وخــاه الأهــل وخــان أوطانه

باع أسرار الوطــن الغالى اللى اتربّــى ما بيــن أحضانــه

وطنه إدالــه حقوقـه الكامله ولكــن رجــع الندل وخــانــه

يعنى جاسوس على أهله وناســه وجدد للأوطــان أحــزانه

جه فى الآخــره ولاجل خيانتــه تبقى جهنم هى مكانــــــــه

**المدير العام™** نشاط العضو : 5913

كان عــلاّمــه بألف علامه فى التشريع أو فــــى التفسيـــــر

ضــنّ بعلمه على المخاليـــق دفن العلــم فى بطـــن البيــــر

كل النــاس محتاجــه لعلمـــــه لكن كان فــى البخـــل أميــــر

جه فى الآخــره وخــش جهنـــم يعنــى عقــابه نــار وسعيــر

********

**المدير العام™** نشاط العضو : 5913

ودا كان راجل عاش فى الدنيا صاحب فكر وعلـــم غزيــر

ودا كان راجل عاش طول عمره ما يعرف أبدا حـق الجيــره

راجـــل مؤذى لكل جـــــيرانه وكان للشـــر بحـــاله خميـــره

كان بيوقّـع بـــين دا وبيــن دا ويـزرع بينـــهـم حقــد وغيره

كــل جيرانه اتلســـعوا بناره وصبح الكل ف أمــره ف حيـره

جه فى جهنم صادفه جزاؤه ما هى بلاويــه فى الدنيــا كتيره

*******

**المدير العام™** نشاط العضو : 5913

قلت يا مالك بس كفايـه مش مستحمل دا انا إنســـان

قاللى تعالى وشوف بالمره تعذيب أكتر من دا كمان

قلت كفايه أنا قلبى إتقطّـع أنا بنى آدم مش صــــوّان

قال دى جهنم و ف قوانينها ما تلقاش أبدا لفـظ حنان

كل جريمه وليها عقابها وكل خطيّــه وليهــــا ميزان

*******

**المدير العام™** نشاط العضو : 5913

بعد شويه دخلنا ف وادى برده القاســــــى ما لهش مثال

شفت ف وسط عواصفه وبرده شخص بيبكى كإنه خيال

منظر مؤلم لمــا شـاهدتـه خاننّى الدمع فى عينــى وسال

قبل ما أسأل قاللى دا كافر كذّب ربّــه فى كــــل مــا قال

كان بيقول ع النار والجنه مجــرد وهــــم ومحـض خيال

*******

**المدير العام™** نشاط العضو : 5913

عايز الحــــــــــق أنا خفت وقلت أزوّغ منـــه احســــــن لــــى

قاللى استنى .. صحيت م النوم مفزوع وانا باصرخ جريم أهلى

جم سألوتى ليــه أنا باصرخ ؟.. رحت حاكيلهم ع اللى حصل لى

واللى شاهدته بعينى فى حلمى شفته ساعتهــا بقلبـــــى وعقلـــــى

قلت يا رب خلاص راح أتوب لك .. شفت بعينى ما حدّش قال لى

*******

» رحله إلى جهنـــــــم
» عقد بيبسي فتح نار جهنم على تامر حسنى
» زوجة ابليس تقدم عرض : وداعا للبطالة.. مطلوب موظفين في جهنم ,