ومشيتْ بدون ضلى
ع القهوة قاعد زى صمت قديم
النار بترعَى ف تلج أيامَكْ
لا بتنطفى روحَك ولا بيخلص بياض الموت.
من لحظة عَدَّتْ بنت قدامك
شكل البداية وريحة الصفصاف
فستانها طيب زى حزن الناى
من لحظة كان كرباج على ضهرك
بيشق قلبَك عصفورين
كان الرغيف اللى ف إديك
بيحن يتفتفت سَبَل وعيدان
كان الرصيف مندرة وكتاب.
من لحظة راحت عليك
راحت على البنت اللى بتحبك
راحت على الكرسى اللى بتحبه..
وزهو الصورة فى البرواز.
حاسب وقوم..
خُد حتى صمتك من هنا وامشى
ماتسيبش حزنك فى المكان سرطان إزاز.
.........................
ومشيتْ بدون ضلى
العفرة أقرب للحنك م الصوت
والدنيا مُهرة عجوزة كركوبة
ماشية بتتصابَى
يا قشر لِب بيشغى ع الكورنيش
الناس بتكتر.. واللُّقا بيقِل
ريحة عطن بتهل
وانا زى تفل الشاي
ماشى بدون ضلي
فى دماغى ساقية ودايرة ع الفاضى
فى أراضى بايره
ورمل يشبهنى.
ضهرى خشب مبلول
وف قلبى طير ملعون عازب
وراجع م الخليج مديون
والحدايات ع السطح بتكاكي
وبتحدف الأيام على السلم.
ماشى بدون ضلى
والميكروباص متعبى ع الآخر
ببواقى ناس مجروحة
وبتجرَح قصاقيص صفيح
مطلوقه فى الشارع تايهه بتتخبط
فرحانة بتعيط
وعنيها بتسقَّط دموع كراكيب
يا جموع غفيرة قدرها متشخبط على حيطة مايلة ف حى عشوائى
أنا ضلى زاغ فى الزحمة واتعريت.
ع القهوة قاعد زى أيامى
من لحظة عَدِّت بنت قدامى
لابسة الوجع ع العضم
فى عنيها ضحكة قديمة متهانة
والشَّعر بحر تراب ومتبعتر
شفايفها لوزة قطن دبلانة
والضِّل ضبع مخيف فى خطوتها
متغذى بالبقشيش والجرسونات
بيلموا غَلِّتها وبيهتفولها تعيش.
كُنا مثل حبات الكرَز
تتساقط فوق فراش من الحلوي
تهطل بِنَا أمطار من السقف
فقد كُنا كشراب التوت وعطر أزهار اللوز
لا تحتوينا الحكايات
وحدها القصص توسمنا بها
ترسمُنا الجدران كملحمة خمرية اللون
لا تعنينا الأشجار عندما تبكى
نُحن ألوان الغياب
ودهشة مذاق الورد فى فمى
………………
المرسى
أنا مِثل طاحونة تحيط بِِِِها الروافد
الماء من حولى أخضر
تهب الريح فى قلبي
وتصدح كالأعاصير
فى رأس قلم ينزف عند باب ورقة الحِبر
مأزق كلما لامس شفاه الغواية
وما الكُحل إلا مصيبة فوق العيون
وأكثر عندما تُغلق الباب الخلفية
ترحل السفن
وأغانى البحار مثل الصباح
بلا عصفور يغتسل بماء البحر.
لا تكتب الأدوار لمَّلّاح ماهر اللحن
هو رُبان القوارب
السُفُن المضيئة فى وسط قلبك
نَحْنُ نُغنى لأننا شُجعان
من أجل العاصفة
حتى نعود إلى حُضن القلق
بين طيات كَنْزّة دافئة ننام
لنرى النُجُوم الحائرة الصدي
الخافت تحت القمر
تلاطم موجات أحزاننا والنساء العارية.
حتى تذهب تعويذة النعاس.
والشوق مثل قصور مشيدة
تحتفل بوتر العشق.
أحدث الصور 
بحـث 
التسجيل 
نشاط العضو
موضوع: ومشيتْ بدون ضلى 
