انا داخل ع جوااااااااز ( فهرس لمواضيع سلسله الزواج )

السلام عليكم ورحمه الله

تسهيلا ع حضراتكم فالموضوع مخصص لفهرسه مواضيع سلسه الزواج

مقدمه السلسله

الموضوع الثانى ليه لازم نجوز

الموضوع الثالث : شريك الحياه

الموضوع الرابع : الحب ع الكورنيش

الموضوع الخامس : حب النت

الموضوع السادس : جواز الصالونات

الموضوع السابع (( مواصفات بنت الحلال )) هام للجنسين

السلام عليكم ورحمه الله

الحمد لله وحده والصلاه والسلام على من لا نبى بعده

وبعد فوالذى يسبح الرعد بحمده احبكم جميعا فى الله ........

كما وعدت بعضكم بالدردشه حول سلسله الزواج وبالتالى فهذه مقدمه بسيطه لتوضيح بعض الامور

روشن معايا وركز بقى من الاول كده ومش عيزين سرحان
ومن اولها اهو واللى اوله شرط اخره نور اول ما اقول الرسول تقوم حضرتك ع طول قايل ايه ؟؟؟؟

ايوه شطرين يا ولاد نقول على طول صلى الله عليه وسلم

وان شاء الله نستفاد كلنا من السلسله

طيب ايه السلسله دى وايه مواضيع الزواج ده

ان شاء الله حنكلم فى امور الزواج كالاتى :

1- من اول اختيار شريك الحياه للشباب والبنات 2- خلاص ما حضرتك تضبط وحده وانتى كمان ربنا يرزقك بابن الحلال نتعمق اكثر فى احكام الزفاف
3- حنخش بعد كده مع العروسين فى منزلهم ونشوف اقصد يعنى نتعلم ليله الدخله (( ولا ..... بت .. بت مش من اولها كده تفهمونى غلط ))

4- حنتعلم او ندردش بعد كده ازاى الزوجين يتعاملوا مع بعض فى كل الامور الحياتيه طبعا بعد شهر العسل

(( اصل قبل شهر العسل الامور كلها بكون سالكه ومحدش بيسمع نصايح حد ولا اصلا بيكون فاضى يطبق تجارب حد ))

ربنا يبارك فيكم جميعا يارب ويرزقنا واياكم بالازواج الصالحه

5- اول ما ربنا يرزقكم بطفل حننتقل الى مرحجله اخرى من التربيه

6- حنشوف الاول حنسمى المولود ازاى وايه هى افضل الاسماء واحكام المولود من اول يوم لحد ما يكبر وايه صدقه الفضه وايه تحنيك فمه وليه وازاى بنأذن فى اذنه

7- الواد والبنت بيكبروا ما شاء الله يبقى يلا بينا نشوف مع بعض انواع كثيره من التربيه

ازاى يا شباب حنربى اولادنا تربيه اخلاقيه وثقافيه واسلاميه وجنسيه وبدنيه

والتربيه الايمانيه والنفسيه وايه التربيه بالقدوه دى ؟

ومعنى التربيه بالعاده والتربيه بالوعظه والتربيه بالعقوبه ؟؟؟؟

هذا باضافه الى صفات المربى
وايضا سنتناقش مع بعض حول اسباب الانحراف بين الزوجين __ عفانا الله ___مع طرق علاجها

هذا والله وحده المستعان وهو من وراء القصد

يرجى ملاحظه الاتى :

1- باذن الله ستكون معظم المواضيع معتمد عليها فى كتابتها من كتابين قمت بتلخيص معظم احدهما وهما
* تربيه الاولاد فى الاسلام (( اكثر الكتب مبيعا )) للدكتور عبدالله ناصح علوان من اصدار دار السلام

** تحفه العروسين (( اللى عايز يحمله ملف ورد يرجى مراسلتى باى طريقه مع ضروره ابلاغى بالسن

2- اريد اقتراح حضراتكم فى تطويل الموضوع ام اقصره وبالتالى سيأثر فى عدد المواضيع

3- اريد اقتراح حضراتكم فى العناوين

هل مثلا اجعل لكل موضوع عنوان منفصل يدل على مضمونه مع مراعاه رقم الموضوع مثل

مقدمه سلسله الزواج ....((1))
سلسله الزواج .......((2))

ام اجعل المواضيع كلها عنوان واحد مع تغيير الارقام مثل (( سلسله الزواج ...1))
(( سلسله الزواج ....2)) وهكذا ؟؟

4- ارجو من جميع ادارات المنتديات التى ستكون المواضيع فيها النظر فى اهميه تثبيت الموضوع فى وقته

حتى يستفاد اكثرنا من المتابعه

5- اريد اقتراح حضراتكم فى مده البدء فى موضوع اخر هل

3 ايام ام اربعه ام اسبوع ؟؟؟؟؟؟؟

6- سانظر فى جميع الاقتراحات واطبقها بعد اربعه ايام من اليوم وذلك بعد الاطلاع عليها فى مختلف المواقع

7- من يريد ان يساعدنى فى تنسيق المواضيع من حيث الالوان او حجم الكتابه فله جزيل الشكر

8- ارجو ان تسامحونى عن اخطائى الكثيره القادمه فه بسبب ذنوبى التى والله مثل زبد البحر وايضا بسبب جهلى وبسبب الشيطان

9- ارجوكم لا تحرمونى من دعاؤكم بظهر الغيب

10- والله العظيم بحبكم فى الله كلمه لا تحمل ابدا تاليف القلوب بل هى حقيقه والله اعلى واعلم بى

سبحانك اللهم وبحمدك اشهد ان لا اله الا انت

استغفرك واتوب اليك

السلام عليكم ورحمه الله وبركاته

شباب كيف الحال ؟

دائما اخبركم بانى احبكم فى الله وهذه حقيقه اود فى كل مره ان اكد عليها

طبعا كلكم التمستم لى الاعذار لانى تاخرت فى طرح الموضوع الثانى وكما نحن متفقين اننا نلمتس الاعذار لغيرنا

كلامنا اليوم عن اساس الموضوع لاننا بالفعل دخلنا فى دوامه الزواج

تعالو بنا يا شباب نسمع هذه الاراء من بعض الشباب عن الزواج
فسالت احدهم لماذا تريد ان تتزوج ؟

فكان رده انه ليس بضامن ان يشتغل بعد تخرجه فمالى انا والزواج ع العلم انه ف احدى كليات القمه

وسؤالى للاخر فقال لى انا بصراحه شاكك فى اللى حجوزها

(( اييييوه كلام كبير اوى منتشر بنا كاولاد ع اساس اننا ملائكه وع الرغم من وجود فعلا بعض النماذج السيئه التى نراها من البعض فى الجيل الحالى من البنات فان الحال يكون غير مطمئن

فهذه الاحظها انها تحدثت مع هذا فى القطار وتبادلو الكلام
وهذه تبدء معنا الكلام دون سابق انذار ثم اجد انها متزوجه ولديها اولاد

وهذه تنادى على ف الشارع وتبسبس وانا فى قمه الاحراج ان ارفع اصلا لها رأسى

نعم يا شباب هذه بعض النماذج وع العكس تماما فهناك نماذج ما شاء الله مشرفه

ثم يا باشا انظر لنفسك هل انت فعلا تملك مقاومات الرجوله والاخلاق التى تريد بها نموذج معين

هذا ابدا لا يعطينا الحق فى الحكم فالله نسال ان يهدينا جميعا ويرزقنا الازواج الصالحه

وهناك اخر يقول لى انا عايز اجوزز بقى يا اسلام عشان انت عارف الواحد خلاص عايز يفرغ طاقته فى حاجه حلال

فقلت له هل تقصد ان الزواج وسليه لك ام غايه فقال لى انه غايه

وبينى بينك كده هى مش فرقه ده ممكن الواحد يلاقى اللى هو عيزه من غير جواز واحنا بقى عرفين كلنا ازاى
وحنكلم عن المشكله دى فى التربيه وهى بالطبع العاده السيئه التى كنت اتمنى ان ندردش فيها من المنطلق الشبابى انها مشكله ونريد لها الحلول
لكن ناجلها الى مرحله التربيه

والامر راجع لحضراتكم اذا اردتم ان نناقشها من المنطلق الشبابى فمفيش مشاكل

ده يا شباب نماذج مصغره لنا عكست لنا تفكير فردى لان كل واحد حر فى نوايا الزواج

والامر جد خطير فيلا بينا بقى نشوف بجد ليه الجواز مهم وايه النوايا

1- ليه كل واحد غينا متبقاش نيته ان يجوز عشان يحمى نفسه
2- ع طول نسمع اننا عيزين صلاح الدين وابطال وكلام من ده ليه ميكنش ابنك ليه مكنش بنتك
ليه انتى مكونيش ام البطل ام العالم ام المحدث
3- الزواج فطره انسانميه فمن الامور البديهيه فى مبادىء الشريعه انها حاربت الرهبانيه لانها تتصادم مع فطره الانسان وتتعارض مع ميوله الى النوع الاخر
روى البيهقى فى حديث سعد بن ابى وقاص ان الرسول قال (( ان الله ابدلنا بالرهابنيه الحنيفيه السمحه ))

ساكت ليه فين يا باشا الصلاه ع النبى

ملحوظه : خطا شائع عندما نقول مثلا ان عندى عربيه جديده بدلتها بالقديمه
والاصح ان يقول ان بدلت سيارتى القديمه بالجديده

فقال الله ع لسان موسى (( اتستبدلون الذى هو ادنى بالذى هو خير )) لان قوم موسى ارادوا ان يستبدلو الطعام الجيد وهو المن والسلوى بالبصل والعدس الخ

لذا فان الشريعه تحرم ع المسلم الامتناع عن الزواج ويزهد فيه بنيه الرهابنيه والتقرب الى الله ولا سيما ان كان المسلم قادرا عليه

وهذا الموقف يبين لنا كيف تعامل النبى صلى الله عليه وسلم فى هذه المواقف السلبيه وفهم حقيقه الانسان

تعالو يا شباب ندردش مع بعض فى القصه المشهوره دى
روى البخارى ومسلم عن انس بن مالك رضى الله عنه (( جاء ثلاثه رهط الى بيوت ازواج النبى يسالون عن عبادته فلما اخبروا كانهم تعالوها (وجدوها قليله ) فقالو: واين نحن من النبى ؟ قد غفر له ما تقدم وما تاخر
قال احدهم : اما انا فانى اصلى الليل ابدا
وقال اخر : انا اصوم الدهر ولا افطر
وقال اخر : انا اعتزل الناسء فلا اتزوج ابدا
فجاء الرسول فقال انتم الذين قلتم كذا وكذا : اما والله انى لاخشاكم لله واتقاكم له ، لكنى اصوم وافطر واصلى وارقد
واتزوج النساء فمن رغب عن سنتى فليس منى ))

فيتبين لكل ذى عقل وبصيره ان الزواج فطره انسانيه ليحمل المسلم فى نفسه امانه المسئوليه الكبرى تجاه من له فى عنقه حق التربيه حينما يلبى هذه الفطره ويساير سنن هذه الحياه

الله يا شباب سمعين الجمله الاخيره دى
شيفين يا شباب اد ايه الزواج مهم جدا للرجال عشان يتمتعوا بحمل المسئوليه

ومهم اد ايه للنساء حتى يربو لنا الاجيال

فكم من بطل وعالم وشخصيات مرموقه كان السبب الاساسى هم امهاتهم

الله عندما نسمع عبد الملك بن مروان عندما يحكم فى مساله قد اختلف فيها الرجال فيتعجبوا من حكمته

ثم يقف ويقول

انا ابن هند انا بن هند .........

سمعين يا شباب اد ايه الام مهمه جدا واد ايه النساء حاجه مهمه جدا جدا فى المجتمع

4- الزواج مصلحه اجتماعيه منها
• المحافظه ع الانساب
• سلامه المجتمع من الانحلال الاخلاقى ( حيث ان غريزه الميل الى الجنس الاخر تشبع بالزواج المشروع )
• سلامه المجتمع من الامراض
• السكن الروحانى والنفسانى
(( دى اخر نقطه يا شباب حنكلم فيها المره دى وهى مهمه جدا جدا ))

بالزواج تنمو روح الموده والرحمه والالفه بين الزوجين فالزوج حين يفرغ اخر النهار من عمله ويركن الى بيته ويجتمع باهله واولاده ينسى الهموم ويلاشى التعب وكذلك المراه حين تجتمع مع زوجها وتستقبل عند المساء رفيق حياتها

الله يا شباب سمعين اد ايه الراحه النفسيه بتيجى من البيت ومن مراتك

وانتى يا بنتى حسيتى اد ايه لازم تكون انتى الراحه لجوزك والعكس صحيح

وهكذا يجد كل واحد من الزوجين فى ظل الاخر سكنه النفسى وسعادته الزوجيه وصدق الله عندما صور هذه الصوره بابلغ بيان (( ومن ءاياته ان خلق لكم من انفسكم ازواجا لتسكنوا اليها وجعل بينكم موده ورحمه ان فى ذلك لايات لقوم يتفكرون )) الروم 21

لالالا اسمع تانى الايه

يقول السعدى رحمه الله فى تفسيره ع ما اتذكر (( ومن ايات الله ان خلق للانسان ازواج يسكن اليه يشاكلونهم ويشاكلونهن )) مختصر جدا جدا وفيما معناه

وكذا قال ابن كثير رحمه الله فى التفسير ع ما اذكر (( لو كان الزوج ليس من جنس الانسان فلو كان حيوانا او غير ذلك لحدثت مشاكل كثيره )) مختصر جدا جدا جدا وفيما معناه

انتهى الكلام يا شباب ويرجى ملاحظه الاتى :
1- جدد نيتك بقى وعدد النوايا والنيه محلها القلب انك حتجوز عشان كذا وكذا وتنجب لنا العالم فى الدين واخر عالم فى الكيمياء واخره مربيه فاضله

وبيتك يبقى بيت مسلم ملتزم تملئه الملائكه

2- ارجو الا اكون ازعجتكم او اطلت عليكم

3- قد تكون هناك اخطاء املائيه كثيره فارجوكم تسامحونى

سبحانك اللهم وبحمدك اشهد ان لا اله الا انت استغفرك واتوب اليك

السلام عليكم

يرجى ملاحظه الاتى :
1- المواضيع قابله للنشر جزاكم الله خيرا
2- الموضوع قد يكون طويلا الى حد ما
3- لم استطع انهاء مواصفات شريك الحياه هنا
4- اعذرونى للتاخير ويبدو ان هناك مواضيع كثيره خاصه بالمواصفات لانها اشياء مفيده جدا

وصلنا فى المره اللى فاتت الى اهميه الزواج وهناك نقط اخرى فى اهميه الزواج ,
نقطه جميله جدا وهى :
تعاون الزوجين فى بناء الاسره وتربيه الاولاد :

فهذه يا شباب نقطه جميله جدا فبالزواج يتعاون الرجل والمرأه فى بناء اسره وتحمل المسؤوليه
فهذان الطرفان لهما الدور الهام وكلا منهما يكمل الدور الاخر
فالاب يكد ويعمل حتى يوفر العيشه الطيبه للاولاد وهذه الزوجه
طوال اليوم تحمى اولادها من افات المجتمع الخارجى خارج الطفوله وتحمى تعب زوجها فى تربيه اولادها وتعليمهم التعاليم الاخلاقيه والدنيويه
فالمرأه تعمل ضمن اختصاصها وما يتفق مع طبيعيتها وانوثتها وذلك فى الاشراف على اداره البيت وصدق من قال :

الام مدرسه اذا اعددتها :.: اعددت شعبا طيب الاعراق

فبذلك يت روح التعاون ويصلان الى النتائج التى طالما حلموا بها

النقطه الاخرى وهى تأجج عاطفه الابوه والامومه :
فسبحان الله يا شباب فعندما نتزوج تتأجج فى نفس الابوين العواطف وتفيض من قلبيهما الاحاسيس والمشاعر النبيله
فيكون مثلا اثرها فى رعايه الابناء والسهر ع مصالحهم والنهوض بهم نحو حياه مستقره هانئه ومستقبل مشرق

وصلنا الى موضوع اليوم وهو اختيار شريك الحياه وقبل ان اشرع فى نقل الاسس فى اختيار شريك الحياه احببت ان الفت نظركم الى خطوره الكلمه فى اهميتها فانظروا يا شباب الى كلمه شريك الحياه وكأن هذه الحياه بمثابه مشروع استثمارى مهم جدا
واى استثمار ونحن نتحدث عن حياتنا واى استثمار ونحن نتحدث عن اولادنا فلذان اكبادنا لكلا منا سواء كان رجلا او امراه
فان(( من حق اولادنا علينا ان نختار لهم اسماءهم وامهاتهم _او ءاباؤهم _ وان نعلمهم القران )) كما قال ابن الخطاب رضى الله عنه عندما ُُُُُسال عن حق الولد على ابيه
نعم ...... عزيزى القارىء فان الامر مهم جدا عندما تذهب لاختيار ما سيمضى معك ايامه ليلها ونهارها فرحها وحزنها الامها وامالها مريرها وحلوها ...

لذا عليك ان تختار هذا الشريك فى الوجه الذى يسعدك كلما نظرت اليه لذا اطالبك ان تختار المواصفات التى تليق بك ولا تتطلع الى صفات ليست متوافره فيك انت
واطالبك ان تنتقى الشريك الذى يريحك دائما وتجده صاحبك فى وقت الشده وحبيبك فى وقت العطفه وامك فى وقت القسوه وابوك فى وقت الضيقه واختك فى وقت الرأفه واخيك وعشيقك وغيرها من الواجبات

فانا يا شباب دائما والله احلم بها الانسان
الذى يكون حبيبى فى بيتى وامى واختى وابى واخى وابنى وبنتى وصديقى وصحابى وعشيقى .........
تخيلوا اذا توافرت هذه الصفات فى شخصيه واحده !!

هذه بجانب المواصفات التى اخشى ان اتحدث فيها اليوم فيطول الموضوع وتملوا حضراتكم من القراءه ولكن الله المستعان ..

الينا يا شباب اهم النقاط التى تحدثوا عنها المفكرين الاسلاميين جزاهم الله خيرا وانا حقيقه اقف حائرا فلا استطيع ان الخص كلامهم الذى كل حرف فيه يعتبر قاعده
فاللهم اجعل هذا عملهم خالصا لوجهك الكريم وانفعهم فى يوم لا ينفع مال ولا بنون الا من اتى الله بقلب سليم

يقول الدكتور عبد الله ناصح ان الاسلام بتشريعه السامى ونظامه الشامل قد وضع امام كل من الخاطب والمخطوبه قواعد واحكاما ان اهتدى الناس بهديها ومشوا على نهجها كان الزواج فى غايه التفاهم والمحبه والوفاق وكانت الاسره المكونه من البنين والبنات فى ذروه الايمان المكين والجسم السليم والخلق القويم والعقل الناضج والنفسيه المطمئنه الصافيه ........... فمنها

1- الاختيار على اساس الدين

نقصد بالدين حين نطلق لفظه الفهم الحقيقى للاسلام والتطبيق العملى لكل فضائله الساميه وادابه الرفيعه ونقصد كذلك الالتزام الكامل بمناهج الشريعه ومبادئها الخالده على مدى الزمان والايام

(( واضح ان الموضوع سيطول ولكن اعذرونى للاطاله فالامر جد خطير وكلام الدكتور غايه فى الجمال عندما المح لنا نقطه هامه جدا فى فهم الدين والتدين فهو التطبيق لكل قواعده ولا يغرنك شكل الانسان ولا تغرك شكلها الخارجى ولا يغرك ايها الاب منظر هذا الشاب الذى تبدو عليه ملامح التدين والامر ع السواء للرجال فنسمع كثيرا عن فلان انه متدين واذا عاملته فى العمل تفاجىء بانه لا علاقه له بالاخلاق ولا حول ولا قوه الا بالله ))
فاسمحوا لى ان انقل لحضراتكم بقيه الكلام بتصرف منى
نعم يا دكتور انك تتحدث عن قضيه هامه وهى التطبيق لهذا المظهر الخارجى فان كان الخاطب والمخطوبه يتمتعوا بهذه الصفات الكريمه وعلى تطبيق لها فانهم يكونا ذوى دين اما العكس فيكونا متصفين بانحراف سلوكى والبعد عن الاسلام مهما ظهر للناس بمظهر الصلاح والتقوى ورغم انه مسلم متمسك
تعالو معنا نرى الخليفه عمر كيف وضع لنا المعايير الصحيحه لمعرفه الاشخاص واظهار حقائق الرجال وذلك عندما جاءه رجل يشهد لرجل فقال له عمر : اتعرف هذا الرجل ؟ فاجاب : نعم

قال : هل انت جاره الذى يعرف مدخله ومخرجه ؟ فاجاب لا

قال عمر : هل صاحبته فى السفر الذى تعرف به مكارم الاخلاق ؟ فاجاب : لا
قال عمر : هل عاملته بالدينار والدرهم الذى يعرف به ورع الرجل ؟ فاجاب لا
فصاح به عمر لعلك رأيته قائما قاعدا يصلى فى المسجد يرفع رأسه تاره ويخفضه اخرى : فرد : نعم
فقال عمر : اذهب فانك لا تعرفه والتفت الى الرجل وقال : ائتنى باخر يعرفك
فعمر لم ينخدع بشكل الرجل ومظهره
فنجد ان النبى صلى الله عليه وسلم قد ارشدنا ان نظفر بذات الدين حتى تقوم الزوجه بواجبها الاكمل ف اداء حق الزوج والاولاد وحق البيت وكذلك الرجل
فتعالو نتخيل هذا البيت الذى طرفاه شخصين يتقيا الله ويخافاه
فيقوما بمراعاه حق بعضهما البعض لانهما يتعاملا مع الله
تخيلوا معى بالله عليكم ان حدث خلاف بينهما __ هذا وارد جدا بين اى انسين طبيعين والا ان لم يحدث خلاف فقطعا هناك خلل او كما فهمت من رائد علم الاجتماع ابن خلدون
نرجع لهذين الزوجين فتخيل معى كيف يتشاجرون فوالله تكون مشاجره جميله
الزوج : انتى ايييييه معملتيش كذا ليه
الزوجه : اللى حصل حصل انا نسيت
الزوج : هو ايه نسيتى انا خلاص بقى مبقتش استحمل
الزوجه : اتقى الله
الزوج : اللهم اجعنا من المتقين يختى
الزوجه : ايه يا حبيبى انت مش فاكر يوم ... وتبدء بها تفكره بالايام الجميله وذكريات حنينه ويبدء عمنا فى الانهيار طبعا

لاحظوا معى كيف تتصرف الزوجه الناصحه فى اوقات الشده وتأخذ زوجها من نغمه الشده الى نويغمات الرقه .....

روى البخارى ومسلم وغيرهما عن ابى هريره ان النبى صلى الله عليه وسلم قال :
تنكح المرأه لاربع : لمالها ولحسبها ولجمالها ولدينها , فاظفر بذات الدين تربت يداك ))
تربت يداك ::: كلمه تفيد الحث والدعاء له بكثره المال
وصار المعنى : فاظفر بذات الدين ولا تلتفت الى المال وغيره .

نكتفى بهذا القدر وللعلم فان هناك كلام كثير فى هذه النقطه بالاخص

والسلام عليكم ورحمه الله وبركاته

السلام عليكم

موضوعنا يا شباب واحنا لسه مع بعضينا ف مواضيع الزواج والحمد لله

وصلنا للموضوع الرابع

وكنا بدءنا ف شريك الحياه

والمره دى حنكمل ع السريع وحنكلم ف معايير عمليه اكثر

بس ركز معايا ومتخدش ولا تخدى الكلام من ناحيه تانيه

ع السريع كده

الحب ......... ااااهاته ...... افراحه ......... احزانه ؟؟؟

نبذه بسيطه ع الحب

1- البت بتعتى والواد بتاعى
دى جمل منتشره جدا ف الوسط الشبابى والشعبى اما عند الناس الهاى تلاقيهم يقولوا صحبتى

او صحبى وطبعا عرفين ايه نوع العلاقه
العلاقه يا شباب ببساطه

هى مسكه ايد وانكجه ع الكورنيش وحبه لب (( ف الافلام بس )) عشان عم ابراهيم بيبع الحاجات غاليه ع الكورنيش

الحب يا شباب اصبح عندنا كاعتقاد مننا انه حاجه ضرورى ف اى وقت

بمعنى تلاقى الواد دخل الكليه عايز يضبط بت
والبت كده (((( معلش الاسلوب المره دى زى ما انتو شايفين كده )))))

لان ف ناس مننا وصلت لمرحله يأس بسبب انتهاء حبهم

كانوا عايشين ليل ونهار ع الحب وبيحلموا يقضوا حياتهم مع اللى بيحبوهم

ولان علاقتهم ع السريع انتهت وانتهت الحياه بالنسبه لهم

لا يا حبيبى ..... اصحى زى ما انت عرفتها بسرعه توقع العكس بسرعه

لحظه بقى عشان الكلام ميطولش

والولاد ملهمش ذنب

بصراحه وبدون تحامل

المشكله كلها ف البنات ((((((( اهاليهم يعنى )))))))) متزعليش يا انسه

ايوه بالله عليكى ليه حضرتك توافقى ان واحد زى ده (( مع احترامى لينا )) ان يخرج معاكى

وانت الله يكرمك

طب بلاش نتعمق ف الكلام بس كان نفسى احكى قصه ايه جمده طحن حصلت عندنا ف اسكندريه

بين واد وبنت ف حقوق

المهم ...........

تعاتلو نكمل الموضوع الجاى

الواجب

1- ف وجهه نظرك !!! ايه حكمك ع ان كل واحد لازم يبقى له جثه (( ع وزن كلمه تانيه )) ؟؟؟

2- من وجهه نظرك !!! لو عرفت ان اللى حتجوزها كانت ماشيه مع حد تانى ؟؟ حتوافق عليها ؟؟؟

3- وانتى لو عرفتى ان ده كان مضبط بنات قبلك بس خلاص لحد عندك وحيجوز ؟؟ حتوافقى ؟؟؟

4- تكلم باختصار عن ظاهره الكورنيش

سبحانك اللهم وبحمدك اشهد ان لا اله الا انت

استغفرك وانوب اليك

حب تانى منتشر بينا كشباب

حب النت

وهو

.......... تعالو نشوفوا ايه الحوار ؟؟

اولا ::: ايه هو حب النت ؟؟

حب النت (( مع التحفظ ع اسمه ))

هو علاقه انجذاب تحدث بين ولد الى بنت او العكس عن طريق شخصيتهما

طب وايه يا عم التحفظ ع الاسم ده ؟؟

حقيقى كلمه حب النت عمله مشكله للناس اللى خلاص
حترتبط رسميا عن طريق تعارفهم عن طريق النت

ومن هنا اقولكم الكلمه ذات نفسيها مش عيب يعنى فمثلا

لو اتنين حيجوزا بعض وعرفوا بعض مثلا من السوبر ماركت

نسميه بقى ؟؟؟ حب السوبر ماركت

وعيش بقى يا عمى ع المثال

يعنى الاسم مش مشكله اوى

تعالو نشوف ايه المميزات والعيوب بتاع حب النت ده ؟؟؟

اولا المميزات ؟؟

نلاحظ يا شباب ان العلاقه التى نشات بين هذا وهذه هى ف الاصل انجذاب

لشخصيه ليس شكليه

فالاصل ان الانجذاب بيحصل نتيجه تفكير الطرف الاخر وثقافته بعيدا عن صفاته الشكليه

ثانيا العيوب :::

هى يعنى مش عيوب ف الطريقه لكن هى عيوب ف الشخصيات

ازاى ؟؟

وبعد ما انجذبوا لشخصيه بعض تلاقى خلل ف التفكير لدى احدهما

بالعربى كده مش راضى بالطرف الاخر
فباتالى يفضل يقول ايه الى عملته ده وايه اللى سويته ده

مش حطول عليكم ونكمل الموضوع الجاى

الواجب :::

براءه المره دى مفيش واجب مع ان محدش بيعمله كل مره

طلبه فاشله

سلام عليكم

ايه يا جماعه عملين ايه والله كلكم وحشتونى جدا جدا

يلا بينا نكمل الكلام ع الجواز

نبدء بملخص بسيط جدا عن اللى فات

1- اول موضوع كان مقدمه واحنا حنكلم ف ايه والكلام من ده

2- تانى موضوع دخلنا ع اهميه الجواز وليه لازم نجوز

3- تالت موضوع كان عن معايير بسيطه ف اختيار شريك الحياه ومخلصنهاش كلها
4- الموضوع الرابع كان عن حب الكورنيش
5- الخامس كان ع حب النت
6- موضوعنا اليوم وهو جواز الصالون

جزاز الصلون هو مصطلح او نوع انتشر جدا ف مجتمعنا

ياترى ايه التفاصيل وايه نسبه نجاحه ونسبه فشله

: يعنى ايه جواز الصالون ؟

هو نوع من الارتباط اما الام هى اللى تجيب لابنها العروسه او الاخت او الصحاب او ولاد الحلال

بس بينى وبينك كده (( هات ودنك )) الجواز ده هو اللى بيمشى وخد عندك بقى الفوائد .
. اولا للشباب

1- حتضمن جامد جدا انها بنت ايه من الاخر (( طبعا حضرتك حتقيس ده من المواصفات اللى خدنا بعضها وحنكملها ان شاء الله من الموضوع الجاى ))

2- حكبر دماغك من مشاكل كتييييره بتحصل نتيجه امك (( مامتك )) والعروسه :: ليه ؟

طبيعى جدا بتبقى فى غيره بس مش حتلاقيها كتير ف الحاله دى عشان امك هى اللى جبتهالك

وكذلك الغيره اللى بتحصل بين اختك وهى

اصل دى حتبقى عروسه راضيه عنها امك واختك وحتريح دماغك جامد اوى

3- نسبه نجاح النوع ده بعد الجواز كبيره جدا بعون الله لانه ابتدى ع حقائق لا غش ولا مكياج ولا دلع ف الشارع
ولا حركات وربنا يهدى

ثانيا للبنات ::

1- برضه نسبه النجاح كبيره جدا

2- مفيش راحه دماغ من غيره امه حتقابلك حتقابلك معلش دى غريزه بس صدقينى حتبقى ضعيفه

3- الواد اللى جالك ده حتضمنى انه دلوقتى حاله اتعدل وعايز يلم نفسه بغض النظر بقى هو كان مقطع السمكه وديلها اصل معظمنا بيدء التوبه من اليوم ده يعنى الموبيل خطه بيتغير والماضى بيتقفل والكلام ده

يا شباب لسنا متعصبين لنوع او اسم الارتباط لكن الشىء الذى نبنيه على اساس طيب خير يعطى شجره مثمره

واطفال منتجه والله المستعان

الواجب :

1- ما رأيك وبصراحه فى هذا النوع ؟ ع اختلاف اسمه

السلام عليكم
ازيكم يا جماعه ايه الاخبار ؟

وصلنا للموضوع السابع وده فهرس للمواضيع لو حد عايز يتابع معانا

كنا ف الموضوع الثانى وقفنا عن مواصفات شريك الحياه ومخلصناش حتى اول نقطه

بس تعالو نفصل المواصفات ف موضوعين موضوع خاص لمواصفات بنت الحلال

وتانى خاص بابن الحلال

بس نكمل مواصفات مشتركه للاتنين الاول سواء للولد او البنت

طبعا يا شباب المواصفات دى فى منها من وجهه نظر الدين ومنها من وجهه نظر الحاجه ومنها من وجهه نظر الخبرات

ومنها من وجهه نظر الابحاث الصغيره اللى بعملها على شباب ف سننا

بس حقيقه كلها تنبع من مجرى واحد وهو الدين
1:
اول المواصفات وهى صفه الدين

قلنا الدين مش شرط مظهر خارجى وفلان بيصلى وفلانه بتصوم

لكن الادين عباره عن اخلاق وتعاملات بين المتدين والناس

وبالتالى بين المتدين وزوجته او المتدينه وزوجها

ليه ؟؟

طبيعى حدا لو انت مراتك متدينه وبتعرف حقوق ربنا يبقى حتعرف حقوقك

لما تبقى مراتك متدينه وتعرف السنه يبقى حتعرف ازاى تتعامل معاك !!!

يا نهر ابيض حد شايف العروسه دى ؟؟ ولد ولد خلينا ف الكلام احسن

وف نفس الوقت انتى ايضا لو جوزك عارف شرع وحقوق ربنا

يبقى حيعرف حقوقك

يعنى لو جوزك بيتقى الله فى نفسه وبيخاف ربنا يبقى مفيش خوف عليكى

يا نهر ابيض حد شايف العريس ده ؟؟ بنت بنت خلينا ف الكلام احسن

(( الكلام ده حيبان اكتر لما نتعرض لحقوق الزوجه والزوج )) ف التعاملات بقى وعليكوا خير ان شاء الله

ودى حتبقى مواضيع مهمه جدا

الصفه الثانيه ونركز بقى مع الولاد

بص يا صحبى حضرتك دلوقتى رايح تخطب واحده ركز معايا بقى عشان دى اللى حتعيش معاك ف بيت واحد

وربنا معاك بصراحه وحتآمن لها على ولادك والكلام ده كله

اتفقنا ان حضرتك حتختار البنت المتدينه (( اظفر بذات الدين تربت يداك ))

2:
بعد كده تبص ع اخلاقها ؟؟

يعنى لو البنت عندها اخلاق يبقى يا بختك يا عم

يعنى ايه اخلاق وحعرف ازاى ؟

ف بنات كده تحس انها بنت اصل وبنت ناس (( يعنى الباقى ولاد ؟ )) مقصدش يعنى تحس انها بنت اصيله

بنت حتتحمل معاك الحلوه والمره حتتحمل معاك وحترضى اييييوه على الزوجه الراضيه دى !!!

تخيل معايا لو معاك واحده بتقدر ظروفك معاك خمسين الف جنيه اوكى ؟؟ معاك ربع جنيه حنقضيها برضه يا حبيبى

مش وحده همها كله حاجات مش اساسيه

معاك خمسين الف حنيه (( يلا بينا على البوتيك ))

معاك ربع جنيه (( برضه نفس البوتيك ومليش دعوه واستلف ))

طبعا انا سمعك وعمال تقول خش ف الموضوع وخليك ف المهم وفكك من الروحنيات وخليك ف الصميم

طبعا حنخش ف الصميم وياريت الموضوع ميطولش
3:
حضرتك تختار وحده تجوزها تكون بكر

عرفين طبعا يعنى ايه والنقطه دى اعتقد مش محتاجه اى تعليق وواضحه ومهمه تماما (( لو عيزين نكلم عليها تقولوا))
4:

حضرتك تختار وحده احتمال كبير انها تنجب اطفال (( المرأه الولود ))

يا عم طب انا ايش عرفنى وحخش ف الغيب ؟؟

طبعا عرفين بلا ادنى شك ان ده بعلم وباذن ربنا ويهب لمن يشاء اناثا ويهب لمن يشاء ذكورا او يزوجهم ويجعل من يشاء عقيما

امال ايه حكايه المراه الولود وهل لها اصل ؟

طبعا المراه الولود هتى التى يحتمل ان تنجب اطفالا

طب حعرف مين ؟؟

حنظر الى امها (( مش حتفرج عليها يعنى حتشوف حال انجابها )) وكذلك اخواتها ان كن متزوجات
ما حالهم ف الانجاب ؟؟؟ وطبعا طبعا مفيش شك

ان المرأه الولود تجدها ف صحه جيده وجسم سليم قوى (( شفت يا عم حنخش اهون ف الصميم ))

5:
حضرتك بعد كده حتختار مراتك انها مكنش من صله اقارب

قال النبى صلى الله عليه وسلم (( لا تنكحوا القرابه فان الولد ُيخلق ضاويا )) اى نحيفا ضعيف الجسم

وطبعا ده اللى ثبته بعد كده علم الوراثه (( علق انت بقى على عظمه ومعجزات النبى )) (( صلى عليه ))

حضرتك بعد كده نخش بقى ف موضوع الجمال ؟؟

انا عارف ان حضرتك عايز بنت تبقى ايه جمده (( سورى يعنى خلينا باللغه دى احسن ))

بس خلى بالك مراتك تبقى جميله ف عنيك بس انت مش تفرجها للى يسوى وميسواش

سواء يوم الفرح (( حنكلم عليه ان شا ءالله )) او بعد ما تجوزها

طب هل صحيح وده اخر الموضوع
6-

هل صحيح الجمال جمال الروح والشعارات دى ؟؟

بص بصفه عامه ان الروح لو كانت جميله حجمل الشكل وليس العكس

وبصفه عامه مع الزمن الجمال بيروح عكس جمال الروح

بس طبعا من حقك تبحث عن زوجه قمر قمر قمر قمر قمر(( ف نظرك انت بس ))

وطبعا مش حضرتك تمشى ف الشوارع عايز قمر عايز ابص بقى ده الواد اسلام

قال لى انى لازم اجتهد واشوف وحده قمر (( امال فين غض البصر ))

طيب بص
1- ازاى حعرف ان مراتى حلوه (( اقصد طبعا قبل المكياج لو ربنا مرزقكش بوحده طبيعيه ))

طبعا عن طريق وصف امك لها او اختك

2- انا ممكن تبقى فى نظرى فلانه دى (( مش عارف اقولها ازاى المهم انتو فهمين )) وف نظر واحد تانى لا

يعنى خلى بالك دى اذواق

ف واحد يحب يجوز وحده سمينه قويه (( على حسب حب العرب ))

وف واحد يقول لا يا عم انا عيزها رفيعه رشيقه (( ذوق الغرب ))

ف واحد يقول انا احبها بيضه التانى يقول لا شقره لا سمره لا سوده وخد عندك انت بقى

ف بقيه المواصفات ومش عيزين نفصل اكتر من كده عشان الرقابه

انا حقيقى متأسف على
1- دنو بعض الالفاظ عن قصد عشان نفرفش الليله كده

2- طوووووووووول الموضوع بس يارب يبقى مفيد وممتع لحضراتكم

الواجب

لو ربنا قدرك وقريت الموضوع (( والله مهم )) كله جاوب ع الاسئله دى

1- اذكر رأيك تفصيلا وتعليقا على الموضوع وعن كل صفه ؟ (( عشرون درجه ))

2- هل هناك مواصفات كانت فى تفكيرك لم نتحدث عنها ؟؟ اذكرها من فضلك ؟؟ (( بونس ))

3- ما رأيك فى مقوله (( الجمال جمال الروح )) بصراحه وبدون خجل ؟؟ (( وجهه نظر !!))

4- تفضل مراتك سورى يعنى تبقى جمده اوى اوى شكلا ومش مهم روحها طيبه (( تتحط ف الثلاجه ))

ولا يبقى جمالها مقبول لامك لكن ف تظرك هى الدنيا كلها وف نفس الوقت روحها ف السليم

(( perfect)) ؟ (( جيد او غير جيد ))

5- تكلم عن معجزه من معجزات النبى (( ياراجل ساكت ليه ؟؟ )) تم ذكرها ف الموضوع (( عشر درجات ))

سبحانك اللهم وبحمدك اشهد ان لا اله الا انت استغفرك وانوب اليك

وبارك فيكي علي الرد الجميل والمرور الاجمل تحياتي ليكي يا عسليه علي الرد الجميل والمرور الاجمل

ان شاء الله نستفيد من الموضوع حاجه

تحياتي ليكي

احمد المصري

ممتميز ومبدع ومتألق دائما يا مصرى
شكرا على المواضيع الحلوة دى
اشكرك كثيرا
شكرا جزيلا يا غالى يا مبده
:شكرا واحد : :شكرا واحد : :شكرا واحد :
:يعطيكم العافيه

ما أجمل التميز...
ما أحلاه من موضوع
ننتظر المزيد والابداع
بارك الله فيك

انا داخل ع جوااااااااز ( فهرس لمواضيع سلسله الزواج )

انا داخل ع جوااااااااز ( فهرس لمواضيع سلسله الزواج )

رد: انا داخل ع جوااااااااز ( فهرس لمواضيع سلسله الزواج )

رد: انا داخل ع جوااااااااز ( فهرس لمواضيع سلسله الزواج )

رد: انا داخل ع جوااااااااز ( فهرس لمواضيع سلسله الزواج )

رد: انا داخل ع جوااااااااز ( فهرس لمواضيع سلسله الزواج )

رد: انا داخل ع جوااااااااز ( فهرس لمواضيع سلسله الزواج )

رد: انا داخل ع جوااااااااز ( فهرس لمواضيع سلسله الزواج )

رد: انا داخل ع جوااااااااز ( فهرس لمواضيع سلسله الزواج )

رد: انا داخل ع جوااااااااز ( فهرس لمواضيع سلسله الزواج )

رد: انا داخل ع جوااااااااز ( فهرس لمواضيع سلسله الزواج )

رد: انا داخل ع جوااااااااز ( فهرس لمواضيع سلسله الزواج )

رد: انا داخل ع جوااااااااز ( فهرس لمواضيع سلسله الزواج )