من نوع تانى

طيار وباطير

من غير جناحين

سواح ملاح

وف قلبى جراح

كل السكاكين

على غصن أحط

لغيره أشيل

وأنا طرت كتير

ومشيت لفيت

وقابلت كتير أشكال والوان

*******************

وبلابل واقفه على الأغصان

عماله تغرد وتناغى

تحكى ف أسرار

عن بلبل طار

على غصن بعيد ومفيش داعى لذكر الأسرار

وسمعت كلامهم وعجبنى

ولقيت جناحاتى بتركبنى

وفضلت أطير

واروح لبعيد والقلب سعيد

ووصلت هناك

وسألت عليك

قالولى دا طار

وبقيت محتار

نفسى أقابلك

وأشوفك وأسمع تغريدك

وفضلت ألح بسؤالى

قالولى دا طار

تعالى له تانى يوم

وليلتها والله ما شفت النوم

*****************

فى اليوم التانى

وصلت إليك

ولمحت قوامك من ضهرك

وعجبنى العود

وسلاسل نور اللى ف شعرك

وفضلت أراقبك وأشوفك

وجهك كان أبيض

لون ريشك

وعينيك الكحل مكحلهم

من أول نظره

أعجبت أنا بيك .. صدقنى

من أول كلمه قالتها عينيك

وكلامى إليك كان يسبقنى

**************

صدقنى

أنا شفت البدر على جبينك

والورد لتبسم على خدك

والضحكه ورود

ونغم ممدود

وخجل وهدوء

لابسينك توب

وبكل الشوق

أنا قلت يا دوب

انت المطلوب

وبدأت كلامى ولبيته

وطلبت ميعاد

على غصن بعيد

وجاوبت يا طيرى وبالتحديد

ورميت سلاماتى وفارقتك

وفرحت يوميها إنى سمعتك

ورجعت ح اطير

من فرحتى بيك

وفضلت أقول وأغنى أنا ليك

فى أغانى كتير

وفضلت أطير

زى العصافير

مع إنى ماليش أبدا جناحين

*******************

ومعادنا قريب

وأنا جيت يا ملاكى بتغريدى

أنا جاى ومادد لك ايدى

يا تصافح وتمد لى ايدك

يا تصارح وتقوللى أسيبك

وبدأنا كلامنا بالتعريف

وساعتها لقيتك دم خفيف

والضحك دا كان ردك ليّا

وعجبنى كلامك وحلاوتك

عجبتنى عينيك والشعر النور

حتى التليفون

ف ايديك بينور زى نيون

****************

نرجع مرجوعنا لكلامك

وكلامك كان جوا ودانى

صدق وتغريد

ودا حب جديد

وفصيلتك يا بلبل

من نوع تانى

لاهى فى العصافير

ولا فى الكروان

ولا حتى بلابل ع الأغصان

لكن يا أجمل بلبل حبيته

شايفك انسان

******************

*************

بجد تسلم ايدك غالى موضوع جميل

تسلم غالى

فنان ولله

شكرا ميدو المصرى

لحقت يا راجل تقراها؟؟

على كل حال مشكور جدا

واقفلى انت ع الواحده

هههههههههههههههههههههههه

انا من ناحييه القراءه مووووووس فيها ياامنسى

انت مش مسدق ان قريتها

هههههههههه

مشكور استاذ محمد المنسى على موضوعك الرائع

شكرا ميدو المصرى

مشكور جدا

بس أحب أعاكسك

خدها مداعبه

وبلاش تقف ع الواحده

لأفترسك فى زجل

وأخليك بقى وانت عارف محمد منسى لسانه طويل

صدقنى

أنا شفت البدر على جبينك

والورد لتبسم على خدك

والضحكه ورود

ونغم ممدود

وخجل وهدوء

لابسينك توب

وبكل الشوق

أنا قلت يا دوب

انت المطلوب

وبدأت كلامى ولبيته

وطلبت ميعاد

على غصن بعيد

وجاوبت يا طيرى وبالتحديد

ورميت سلاماتى وفارقتك

وفرحت يوميها إنى سمعتك

ورجعت ح اطير

من فرحتى بيك

وفضلت أقول وأغنى أنا ليك

فى أغانى كتير

وفضلت أطير

زى العصافير

مع إنى ماليش أبدا جناحين

تحياتي للغالي محمد منسي علي الكلمات الاكثر من رائعه

حقيقي زجل راااااااااااااااااااااااااااائع جدا جدا جدا

واعجبنتي كلماتك يا جميل

تحياتي لمعلمي واستاذي

محمد منسي علي كل متميز وراقي يقدمه لنا

سلمت يداك يا غالي علي كل ما تقدمه لنا

تحياتي ليك

احمد المصري

:ورده واحد::ورده واحد::ورده واحد:

من نوع تانى

من نوع تانى

رد: من نوع تانى

رد: من نوع تانى

رد: من نوع تانى

رد: من نوع تانى

رد: من نوع تانى