مين ياترى الجانى .؟؟

تمهيـــــد :

سحرت لبى فأحببتها .. وامتلكت كل حواسى .. تقربت إليها
فمدّت لى يديها .. أحسست بأن الحياة تبسمت لى بعد طـــــول
عبوس ... يومان كأنهما عمر من السعادة يكفيان عشرات القلوب
أحسست بتخمة من السعادة أزهو بها على كافة الخلائق عامــة
وفجأة : أحسست أننى ضيف ثقيل عليها .. وأننى حقيبة زائدة
وأننى غير مرغوب فيه فكان أن قررت أن أنسحب فى هدوء .
شاكرا لها كل لحظة سعادة كانت صاحبة الفضل فيها متمنيا لها سعادة موفورة ومستقبلا أكثر رغدا .
************************************
************************************

غدرتى بيّــا وقلبـــى فــى الوفـــا نادر

وسبتى قلبـــى على جرحـــه ماهش قادر

وسبتى دمعى بينعى الماضـى والحاضــر

عشمتــى قلبى بأمــل .. نيّمتــه فى حضنى

وصحيت لقيت الهوى زى الزمن غـــــــادر

*************

راح فين حنين الهــوى واللهفــه راحت فيــــن

راح فين كلام انكتب فى القلب من ليلتيــــــــن

راح فين غرام وحنين جـمّــع سوا قلبيـــــــن

راح فين كلام صدقه قلبى وعاش ويّـــــــــــاه

خلاص دا راح واتنسى كله فى غمضـة عيــن؟

***************

ح تقولى إيه للوفا لو يسألك عـنّـــــــــــــــــــى ؟

دارى عليــه واكذبــى قوليله دا باعــــــــــــــنى

ما صانشى عهــد الهوى وف حبّــه لوّعنـــــــى

وف ثانيه واحده هدم أحلى أمانى العمــــــــــر

ولا عادشى قلبه خلاص فيه حـته بتساعنـــــــى

*************

قوليله عنى غدر .. قوليله عنى : دا كـــــــان

حبه كلام مش عمل .. غدار مالهــش أمــــان

قوليله عنى نسى .. والغدر والنسيـــــــــــــان

فى دمه شئ م الأزل .. ولا له ضميــر ولا قلب

وف عز نور فرحتى .. فاتنى فى ليل سهــــــران

**************

من كل قلبى أنا يا مالكه وجــــــــــــــــــــدانــــــى

باتمنى ليكـــــى السعاده وأنا ليّا أحــــــــزانــــــــى

أنا عمرى كله يومين .. فى دنيا شئ تـــــــــــانــــى

هما يا دوب ليلتيــن فى جنة الأحـــــــــــــــــــــــلام

ويّا حبيبة الروح .. مين يا ترى الجـــانــــــــــــــــى ؟؟

***************

**********