صلاح الدين 2008

شوفوا صلاح الدين فى 2008 هيعمل ايه اكيد هيكون مختلف
صلاح الدين ذاهب إلى معسكر الأعداء طلبا للصلح
الأعداء يقدمون أنفسهم
- ريتشارد كبد الأسد
- فيليب أنطونيو
- كونراد
- أحمد عز
- رونالدينهو
يرد صلاح الدين
- صلاح الدين عبد الله وخادم العرب
- إن يدك ملوثة بدماء المسيحيين
- إننا دائما نحقن الدماء وهذه تعاليم رسولنا الكريم محمد
يرد ريتشارد فى خشوع
- عليه الصلاة والسلام
- ويمكنكم إذن أن تسألوا عنى عيسى العوام فهو مسيحى وأعز اصدقائى.. تعال ياعوام
يدخل عيسى العوام وهو يرتدى بدلة غوص بزعانف ومعلق اسطوانة اكسجين
- خير يا جماعة؟؟
- يقولون أننى أظلم المسيحيين
- كذبتم.. ومن يتكلم من هؤلاء.. كيف تتكلم ياعز وقد جعلت سعر الحديد 6200 أوقية من الذهب الأصفر الأخضر أبو عيون جريئة؟؟ كيف يبنى سكان أورشليم المصاطب بتاعتهم؟؟ هل تركت توكيل الحديد وجايب توكيل زيت الزيتون عشان كده جاى أورشليم مدينة الزيتون؟؟ كيف تستطيع أن تتكلم وتدافع عن أهل أورشليم وكيلو الرز بخمسة جنيه وزجاجة الزيت باتناشر جنيه ومش من النضيف!!
ولكنكم تحرقون أغصان الزيتون وعهد الله.. دا انتوا نهبتوا الزيتون نفسه ياراجل !!
ــــــــــــــــــــــــــــــــــــــــــــــــــ ـــ
فاصل إعلانى
حس حس
كلمة بسيطة لكن معناها كبير
اتكلم من القلب
ــــــــــــــــــــــــــــــــــــــــــــــــــ ــــــــــــ
جنود صلاح الدين قبل المعركة
- إنهم آتون إلينا.. يقال أن قائدهم هو ريتشارد كبد الأسد ذاته
- ريتشارد ذاته ؟؟ لقد سمعت أنه يفطر بوجبتين كنتاكى حجم عائلى
- كنتاكى؟؟ ياللعار .. إنه لا يقاطع البضائع الأمريكية!!
ــــــــــــــــــــــــــــــــــــــــــــــــــ ـــــ
معسكر صلاح الدين بعد انتصاره
الجنود قاعدين يضحكوا ويلعبوا
- لما رآنى أحدهم أبارزه على حصانى من غير لجام أغمى عليه
- أما أنا فقد بعت حصانى واشتريت توك توكا حتى يساعدنى فى الحرب وبعدها نطلع منه سبوبة
- دال.. نريد بيت غزل أوله دال
- دايما دموع .. دموع .. دمووووووع
- كفانا دموعا.. المسابقة فى فنون الحب والفرفشة
- إذن .. دلع..أها.. دلع عينى دلع.. إنها قصيدة جديدة لكاظم الدباديبى!!
- أين القائد حسام؟؟
- إنه لم يأت بعد
- كيف طاوعك لسانك أن تقول هذا ونحن ماشاء الله بنهلس يا عم الحاج؟؟
- يقال أن القائد حسام فى طابور العيش منذ أكثر من يومين..أتمنى أن يصل سريعا لتكتمل فرحة السلطان؟
- أيهما تريد أن يصل؟؟ العيش أم القائد حسام؟؟
- العيش طبعا يا صاحبى .. يقال أن شهداء طابور العيش أكثر عددا من شهدائنا فى الحرب- نحمد الله أننا هنا نحارب ولسنا فى تلك الطوابير
- القائد حسام مات
يا خسارتك يا حس حس
- مات؟؟؟ لا .. لا.. لااااااا.. اللعنة على الطوابيييير.. اللعنة على الأبرااااج!!
ــــــــــــــــــــــــــــــــــــــــــــــــــ ـــــ
فاصل إعلانى
حاسس انك وحيد
على الأقل فيه اتنين غيرك بيقروا الرساله ده
حاول تلاقيهم
دور فى جيبك..وف مناخيرك
خليك أكتر غتاتة وبواخة ورخامة
خليك أكتر نوكيا
ــــــــــــــــــــــــــــــــــــــــــــــــــ ـــــــ
الجنود فى معسكر صلاح الدين يفرحون بالنصر المؤقت
- لقد قتلنا منهم الكثير اليوم وغدا سوف نقطع شوكتهم ونبيدهم عن آخرهم
- انتظروا
هل هنأتم أخاكم حسن شحاتة بالفوز بكأس الأمم؟؟
يزدحم جميع الجنود لتهنئته
- ألف مبروك يامعلم
_العلبة كان فيها ايه ياريس؟؟
- عملت إيه مع القائد شوبير لما رجعت؟؟
- هيجددولك يا معلم ابسط
- لن نقاتلهم غدا احتفالا بحسن شحاتة..كل عام وأنت بخير يا حسن!!
ــــــــــــــــــــــــــــــــــــــــــــــــــ ــــــــ
ريتشارد بعد اكتشاف خيانة ملك فرنسا
- هل سمعتم من قبل عن رجل خدع ريتشارد؟؟ ولكن ريتشارد لا يرحم من يخدعه..نياهاهاهاها
بماذا تهمس ياسيدى الدوق؟؟ أحزين أنت على فراق فيليب؟؟ هل هذا لأنه وفر لكم وصلة الدش المركزى اللى بتجيب أوربت وإى آر تى؟؟
إننى لم أطرده بسبب مقتل الأسرى العرب..
اللعنة عليه.. إن القنوات تأتى مهزوزة ولا أستطيع الفرجة على المصارعة ولم أعرف ماذا فعل كين مع جون سينا ولهذا طردته من معسكرنا
شاطر بس يقعد يقول: فيليب أنطونيو مش هتقدر تغمض عنيك!!
أقسم بشرفى أنا ريتشارد كبد الأسد أننى سأكمل الحملة المقدسة فالكل ينتظرنى فى إنجلترا
الكلاب فى الشوارع
القطط فى صفايح الزبالة
الفيران على سطوح البيوت
البراغيت فى بطاطين الشعب
كلهم ينتظرنى وأنا أعود حاملا أكاليل الغار
يرد عليه كل الجنود فى صوت واحد
"غار ياغار ياغار .. ياغار ماتقول لى ياغار.. راحوا فين حبايب الغار.. فين فين.. فين ياغار؟؟"
ــــــــــــــــــــــــــــــــــــــــــــــــــ ـــــ
فاصل إعلانى
الست السعودية بتستخدم زيت عافية
والست اللبنانية بتستخدم زيت عافية
والست السورية بتستخدم زيت عافية
وبعد غلاء الأسعار
الست المصرية
اقعدوا بالعافية
ــــــــــــــــــــــــــــــــــــــــــــــــــ ـ
عيسى العوام يذهب إلى الدمشقى ويطرق الباب
- من بالباب؟؟
- أنا عيسى العوام
- العوام؟؟
- أيوة ياعم .. أمال أنا مبلول ليه؟؟ أكيد عوام يعنى
- وما الدليل؟؟ قل كلمة السر.
- هذا كارت شحن بخمسة وعشرين جنيه من السلطان.. وكلمة السر المحمول فى يد الجميع
- إذن اتكلم من القلب .. تفضل بالدخول.
- جئت إليك كى تأتى معى للسلطان كى نتخلص من الأبراج.
- كيف آتى معك وقد هاجرت بعد أن زهقت من بلدكم.. لم يقدرنى أحد حق قدرى.. هل تعلم أننى قد اكتشفت الفمتو هفوة.. لقد ساعدونى هنا.. وأنتم أهلى وعشيرتى زهقتونى.. وحتى لم تطلقوا على اسمى أى حاجة .. وتطالبون بشوارع لحسن شحاتة والحضرى والى عكا الخائن
- لقد أرسلنى السلطان لأخبرك أننا سنصمم مولا كبيرا اسمه الدمشقى ستارز..حتى ترضى ونتخلص من الأبراج .. هيابنا ياعم الحاج بقى.
- هل تريدنى أن آتى معك ثم تطالبونى بالضرائب؟؟ إن محمد شومان المتفوتر خرب بيوتنا يا عوام.. يريد من الحلاق أن يدفع ضرائب!! أى أننى سآخذ معى وأنا ذاهب لأحلق بكرة خيط أبيض عشان أعمل فتلة ومعاها الفاتورة..فماذا سيفعل محمد شومان إذن بالدمشقى بتاع الكيميا المترشح؟؟
- لا تقلق..سنحاول ان نشغله عنك بضريبة جديدة على أى حد يقول صباح الفل!!
- إذن هيا
- خياااااااااااااانة .. هناك أغرااااااااب..
- اهرب يادمشقى ولا تنس كارت الشحن
جنود الأعداء يتشاورون
- من هؤلاء الأغراب؟؟
- أظن أنهم من جند صلاح الدين وهذا هو الساحر بتاعهم
ياترى مين اللى وراه؟؟؟؟
ــــــــــــــــــــــــــــــــــــــــــــــــ
رسول ريتشارد إلى صلاح الدين بعد مقتل الأسرى المسلمين
- إن الملك ريتشارد ما زال يتمنى الهدنة وإذا كان على شعب العراق اللى بيغتصب وعلى شعب فلسطين اللى بيموت وعلى أفغانستان اللى اتدمرت وعلى شعب لبنان اللى اتشرد وعلى الاسرى المصريين فى الحرب اللى اتقتلوا وهما من غير سلاح وعلى الغلبان اللى اتقتل فى قناة السويس عشان بيجرى على لقمة عيشه أمام البوارج الصليبية.. فإن الملك لا يعتقد أن هذه أسباب كافية لنقض الهدنة !!
- أبلغ ريتشارد أننا نقبل الهدنة وعفا الله عما سلف
يهمس جنديان لبعضهما من بعيد
- السلطان قبل الهدنة رغم مقتل كل هؤلاء والذل اللى احنا فيه
- لا تنس يا أخى .. احنا عرب!! أكيد هنقبل الهدنة!! ::3::