حصرياا ....... لقاء على الهواء مباشرة مع سيجارة هانم

المذيعة:بعد السلام نقدم لكم ضيفتنا اللي بتدخل بيوتنا برضانا و بتصاحب كبارنا و صغارنا و بتدخل باشكال و الوان كتيييييييرة و دايما مولعة نقدم لكم السيجارة(تصفيق حاد)

السيجارة:شكرا لكل اللي بيحبوني و بيصحوا من نومهم علشاني وسعات يلموا اعقابي من الزبالة او بيشحتوني

المذيعة: بس ازاي بتعملي كل الاغراءات دي؟

السيجارة: حاجة بسيطة مجرد نفس واحد مني بعد كدة ببقى كنز لاي واحد في ثواني

المذيعة:كنز ازاي يعني؟

السيجارة:كل الناس نفسها تستخدمني مهما كان سعري غالي يعزموا بيا في العزومات و الافراح و الجنازات عشان يبانوا كرماء و بينشوا ريحتي الوحشة و ترابي المولع اللي بيطير في السما دا غير امراض للكبار و الصغار محدش بيهمه

المذيعة:مش شايفة انك مغرورة شوية؟

السيجارة:طبعا لازم اكون مغرورة الطلب كل يوم بيزيد عليا ملايين بقيت اهم من رغيف العيش و علبة اللبن بقيت اتحكم في روحهم و اكل عيشهم و مافيش حد بيفكر في سلبياتي خالص لازم انغر!

المذيعة:وما هي مبادئ عملك؟

السيجارة:ولا حاجة غير اني شايلة ثاني اكسيد الكربون اللي الخلايا بتحبه اكتر من الاكسجين فبقعد جوه الخلايا لغاية ما ادمرها

المذيعة:يعني انتي معترفة انك مخربة؟

السيجارة:انا ! اعوذ بالله

المذيعة: طب ايه رايك في المثل يقتل القتيل و يمشي في جنازته؟

السيجارة:بحبه اوي و ماشية بيه في حياتي كمان

المذيعة:و ايه اكتر حاجة بتدهشك؟

السيجارة:اصرار الناس عليا يعني مثلا واحد يموت بالسرطان اللي انا سببته والناس تمشي في جنازته و يعزموا بيا في العزاء

المذيعة:وايه اكتر حاجة بتضايقك؟

السيجارة:الناس اللي ضدي وعايزة تتخلص مني هما مالهم و مالي يعملوا ندوات و حملات و يقولوا حرام و خطر و كلام كبير كدة

المذيعة:ايه اخر حاجة تحبي تقوليها للجمهور؟

السيجارة:نفسي يا اصحابي تكتروا.
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!

لا للتدخين

حصرياا ....... لقاء على الهواء مباشرة مع سيجارة هانم 778778708