خناقه بين ساعاتى وفران

عاشقه العيون الحزينه كتب:

خناقه بين ساعاتى وفران

الساعاتى:انت بعد(الدقه) دى لا تعملنى ولا اعملك وانا (منبه)عليك بكده من زمان
الفران:بلاش رغى انا ما بحبش ( اللت والعجن)
الساعاتى:انا دغرى ومعرفش (اللف والدوران)
الفران:يا اخى كل (عيش)واسكت
الساعاتى:لالا (صلح )ملافظك احسن (امسح )بيك الارض
الفران:اذا ما سكتش حا اروح (مفقعلك ) عينيك
الساعاتى:انت واقف (تتنطط)زى ( الرقاص)كده ليه
الفران:رقاص ايه يا (لوح)
الساعاتى:مايبقاش لسانك زى (العقرب)
الفران:عقرب لما (يقرصك)
الساعاتى :انت عقلك ( فاضى) انت راجل (متاخر)
الفران : انت (محروق ) منى ليه
الساعاتى: انت راجل مش ( مظبوط)
االفران:دنا صاحب عمارات وانت مش لاقى (شقه) تسكن فيها
الساعاتى:انا اجرت بيت من بابه ودفعت شهرين (مقدم)
الفران :وجبت الفلوس (منين)
الساعاتى :الظروف (اتصلحت)
الفران:يعنى طلقت الفقر طلاق ملوش (رده)
الساعاتى :ولا كلمه تعالى بقا نقعد على القهوه دى (نركن) فيها شويه
الفران :بعد ما تشتمنى وتتكلم معايه الكلام (الناشف )ده عايزنى اقعد معاك
الساعاتى:حقك عليه الواحد (ساعات)يكون مش رايق
الفران :عشان خاطر (العيش )والملح حاقعد معاك ومسامح فى اللى فات