سبـــــعة فى مهمة رسميــــة ^_^

الاول: ازييييك.....و ازى احوالك؟؟

التانى:كنت ساكت و جاى ارمى همومى ف جلبابك

الاول: يا بنى فوق كده ايه الى جرالك

التانى: حاسس بتانيب ضمير و مستنى صوت الصفير

الاول: صفييير؟؟.. اى صفييير؟؟!!

التانى:الى بيعلن بدا رمضان

الاول: وشك جايب الوان و حاسس فيه انك جعان!!

التانى: بالعكس انا شبعان ... اكلت اموال الغلبان و قلت ان انا من الشجعان

الاول: مالك بتقول كلام ... عايش بيه بقالك سنين و ايام

التانى: كنت غفلان ... و دلوقتى نفسى انام ف ظل السلام

الاول: تعالى و انيمك ع انغام

التانى: نمت عليها كتيير ....وكلها بكا و انين

الاول: كفاية بقى احزان .... انت بتقلب علينا الى مات

التانى: يا ريته مات لكن الحاضر هو هواه الى فات

الاول: كلامك غريب و كله متاهات!!!

التانى: نفسى ارجعله و انسى الحكايات

الاول: هو مين؟؟

التانى:العظيم... ربى و ربك و رب العالمين...

الاول: يااه , كلمة مسمعتهاش بقالى سنين... حاسس فيها كتير بحنين

التانى:فكرك بعد الى عملناه هيحصلنا ايه يوم لقاه...؟؟!!!

الاول: اهوه شهره الكريم قرب و ليه احنا هنتقرب

التانى: لا يمكن يقبلنا من الخاشعين .. ده بس لعباده الصالحين

رمضـــان: انا سامع حديثكوا و تعبان و ساكت بقالى زمان

الاول: اهلا يا اكرم الشهور

التانى: اهلا بدر البدور

رمضان: انا اسمى رمضان شهر الرحمة و الغفران و شهر البركة و الخيرات مختصش بيا الرزاق الصالحين و الصالحات...

الاول: امال!! فهمنا يا شهر البركات.....!!!

رمضان: انا جاى من عند الرحمن الى رحمته وسعت كل الاركان


التانى: اكيد هو الرحييييم......بس هتجوووز للمخطئين؟؟!!!

الاول: احنا ذنوبنا قربت للمشركين...بس احنا عباده المخطاين

رمضــان:و ربك مغفرته وسعت العالمين....ده هو الواسع المتين

الشيطان: انتوا ذنوبكم كتيير و حساب ربكم عسييير

الذنوووب: انا مهما كترت بذول ده ربك هو الغفور

الشيطان: متحاولوووش انتوا ذنوبكم ملت بحووور

رمضـــان : وربى هو التواب الصبور,و الودود الشكور

الشيطان:انا ليا كتييير الاعيب و ذنوبكوا هكترها و ضربتى اكيد هتصييب

رمضــان:انت ف شهرى مقيد ف زنازين و الرقيب عليك حسيب و عن عينه مش هتغيب

ملااك" لو ذنوبهم كتير فربك هو العزيز البصير و لدعواهم هو السميع المجيب

الذنوب: و اكيد بحالهم هو العليم..... و ع عباده لطيف حليييم

رمضـــان: و ربى هو الكريييم ..... قادر يبدل ذنوبهم حسنات و لو ع بعد ميت ميل.

الذنــوب: و بيضاعفها للكثير ...... ده هو الحسيب الجليل

الشيطان: صدقونى مش هيقبل توبتكم اصل انا مجرب وجاى أنبهكم

ملاااك:مجرب فين يا لعين ... ده انت الشيطان الرجيم

الشيطان: منا كنت ف الجنة بعيش و مع اول غلطة مرجعنيش

الذنــوب: انت غلطتك كانت رهيبة انت بتتحدى سلطته العظيمة

الشيطان: ما هو سامح ادم و مسمحنيش و استغفرته و مقبلنيش

الذنوب: اد ايه انت جبان... ده انا شاهد بقالى زمان....

رمضان: لو حصل مكنتش ف النار تبقى مقيم لان ربك هو المجيب الحكيم

ملاك: انت كبريائك ملى ضلوعك و مبقتش تشوووف الا بعيونك

رمضــان: عاوز توهمنما بدموعك و تقول انك وفى لعهودك

الذنــــوب: له حق الجبــار انه يرميك ف النار...

ملاك: ده انت كلامك بحار ... يشد المؤمن البار ...و يرميه جوه ابيار , بس انت مش اد القهار

الشيطان: ربك هو الضار ازاى مش عاوز عبده يحتار؟؟!!

رمضــــان: هو الضار ع كل ضار و مهما اتشدلك عباده و رجعوله فهو بردو الغفار

الذنوب: لو قعدت اوصف ف رحمته ايام و ليالى لا يمكن يوصف الى ف بالى

الشيطان: انتوا بتتكلموا ف ايه ده اسمه الخافض المانع ......

ملاك: فعلا هوخافض و مانع بس ع كل قانت جازع .......

رمضان: ده ربك بيحب عباده و ليهم هو النافع

الذنوب:و الاكتر من رحمة الدنيا و الاخرة هو الجامع

الشيطان: سيبوهم و هما ملخومين بيوصفوا ف رب العالمين , صدقونى انا عندى ملايين تقويكم و تشبعكم سنين

الاول: انت مالك بتتسلل كدا زى اللصوص لو انت مش مصدق القدوس!!!

الشيطان: سيبك منى.... انا هخليك ع الناس تدوس املى خزاينك بالدهب و الفلوس....

الاول: بس العدل شايف النفوس و القادر قادر يقلبها كابوس

الشيطان:ده انا معايا السلطة و النفوذ و عمرك ما هتبقى ف الدنيا منبوذ

الاول: انت نسيت ان المنتقم موجود ؟!!.... و هو الشهيد ع كل الوجود

الشيطان: انت مش شايف ان الدنيا دى رفوف؟! و المؤمن فيها فقير و قاعد دايما ع الروف

الاول: المؤمن دايما مصاب و الملك بعباده رؤوف ,و ربى انت شكلك ف عقلك مهفوف !!!!!

هلال رمضان: انا جيت بامر الخالق الى لكل شئ بارئ جيت املى قلوبكم ايمان من الفجر لاخر ادان......

الشيطان: بس ربك.....

هلال رمضان:اسكت خلاص مكانك مش هنا ؟؟.... خلاص جيه شهر الهنا .....و هندخل الجنة مع بعضنا

الاول: ايه يا صاحبى سرحان ف اييه؟

التانى:طرت بخيالى و فكرت لثوانى ان اتغير حالى و عزرائيل خطى بابى.... و اخد روحى دون استاذانى

الاول: كمل كمل ده انت لخبط كيانى

التانى:شفت شخص وااقف بعيد و بيقولى مكانك قرييب... فرحت و لاقيته نبينا الحبيب ..و قالى ليه تبعد عن ربك ده هو المجيب , ليه مختار طريق غريب يودى و ما يجيب,

انت الجنة قدامك بس افتح وجدانك و قرب من ربك متقفش مكانك,

شوية و سمعت صوت افراح جاية عليا و قلت فعلا الدنيا دى فانية و مليش غير ربى ف الدنيا دية... ودخلت الجنة الابدية

و سمعت اصوات كتييير, من ضحك للعب لصفافير ,

و ملايكة رايحة و جاية , بتهنيينى بالعيشة الهنية ..بتزفنى ع الحور البهية ,

و مع دق دفوق الزفة ..دق المسحراتى, الى ف رمضان بيجى يوماتى , دقته صحتنى من احلامى.. بس حمدت ربى انها مش دقة مماتى .....لسة ف فرصة قدامى اصحح احلامى و اظبط ايامى

و انت شريكى ف نظامى قوم معايا نستغفره من الليلة دى .....

الاول: ايه الثقة الى جتلك فيا انت ماخدتش رايى ف الليلة ديا ;)

التانى: انا واثق فيك....... دى عشرة عمر و اكيد طمر فيييك ^_^

الاول:طب يالا نلحق السحووور ولا ناوى تسحرنى ع الفطوور؟!!! :wink2: !